Skip to Content
‏اخبار
السودان
الان
من
كل
المصادر‏
📌 دبابيس من صحف الثلاثاء 02 مارس 2021م – صحيفة الوطن الإلكترونية
اخبار السودان اخبار السودان / مارس 2, 2021




ه
ه
سؤال 2x 1:
👈 منظمة “زيرو فساد” في منها خبر؟ ، طيب محمد أحمد علي الفششوية في عنه خبر؟
ه
ه
أخبار كورونا:
👈 النيل الدولية: الصحة : 17 حالة جديدة بكورونا وتعافي 20 مصاب
ه
ه
جواب:
👈 (قفيشة ..ومنفوش… .. وبن محفوظ … والفرا …وحلواني.. أولاد روبين وآخرين) هذه الأسماء أوردناها في هذه المساحة بالأمس تحت سؤال من أنتم؟ ووردتنا عنها تساؤلات عديدة…..
📌 وللتوضيح هذه أسماء أجانب وردوا الى البلد كلاجئين بعضهم لا يملك الا ما يستر به جسده لحظة دخوله البلاد ، ففتحت لهم العصبة الحاكمة الأبواب ليرتعوا في المال العام حتى اصبحوا من الأثرياء الذين يشار اليهم بالبنان وامتلكوا العقارات والعمارات بل أن أحدهم ضبط في معبر الدخول الا غزة وهو يحمل معه مئة مليون دولار كاش في الوقت الذي يموت فيه أطفالنا لعدم وجود دولار لاستيراد الدواء…..
ه
ه
بيان أسرة نافع:
👈 أصدرت أسرة الدكتور نافع علي نافع بيان تخاطب فيه الأسرة أهل السودان جميعا مؤكدين على أن (الدكتور نافع كان جهده و عطاؤه للسودان الواسع.) مطالبين الشعب السوداني (بمناصرتهم والمطالبة بحقهم القانوني و الإنساني في إطلاق سراحهم وإقامة كريمة تراعي أعمارهم وصحتهم) ثم يخاطبون (منظمات حقوق الإنسان الإقليمية و الدولية وكل أحرار العالم في مناصرة حقهم العادل، و الضغط لتحقيق مبدأ العدالة للجميع دون انتقائية او محاباة) واصفين بأن ذلك هم ما (تشهد ساحات العدالة في السودان مثل هذه السلوكيات المعيبة قانونياً مؤخراً)……..
البيان بدأ بالآية الكريمة : { وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ} {إبراهيم : 42}..وانتهى ب (ونسأل الله الذي لا إله إلا هو قيوم السماوات والأرض وما فيهن أن يزيل عن بلادنا الوباء والغلاء وطغمة الظالمين).
📌 لقد كانت بداية البيان بالآية المذكورة موفقة جداً لا أدري أهي مقصودة أم جاءت عفواً أما من حيث مخاطبتهم لأهل السودان جميعا فهذه دقسوا فيها ، أما الضغط لتحقيق العدالة فنحن نؤيدهم فيه بشدة ونتمنى أن يحصل ذلك اليوم قبل غدا أما فيما يخص الدعاء بإزالة طغمة الظالمين فقد حصل وهم الآن يقبعون مع صاحبكم في كوبر….
ه
ه
📰 الوطن:
👈 السيادي ينفي مطالبة الأعضاء الجدد بسيارات (لاندكروزر)
📌 ايوا لكن بتكون الفكرة عجبتهم
ه
📰 الوطن:
👈 وصول سفن حربية أمريكية وروسية لميناء بورتسودان
📌 الناس ديل ما يملوا لنا البحر دا سفن حربية نحن محتاجبن لسفن دقيق ووقود ودواء
ه
📰 الوطن:
👈 حركة الحلو :السلام لايتحقق بالضغوط والإبتزاز
📌 خلاص انت بطل ابتزاز
ه
📰 الوطن:
👈 تفاصيل جديدة في قضية عبدالباسط حمزة
📌 والله قضية عبدالباسط حمزة دي أرحم منها امتحان التفاضل والتكامل
ه
📰 التيار:
👈 القبض على (20) من أصحاب الشركات الزراعية بمشروع الجزيرة
📌 ديل جماعة بيع الجاز؟
ه
📰 التيار:
👈 أسرار تنشر لأول مرة عن دور (ود إبراهيم) في المحاولة الإنقلابية
📌 موضوع الانقلابات دا بقى حمام ميت ساكت
ه
📰 التيار:
👈 وجدي صالح يكشف ل(التيار) تفاصيل جديدة عن الشركة القابضة
📌 اكشف يا كايدهم اكشف
ه
📰 المواكب:
👈 إنتهاء مهلة تقنين السيارات (البوكو)
📌 يلا لموا الباقي واطحنوهو وبيعوهو حديد لليابان وكوريا راجع
ه
📰 المواكب:
👈 مطالب دولية لردع الدعم السريع لمخالفته للقانون
📌 الدعم السريع دا بتاع غانون ما بتاع قانون
ه
📰 المواكب:
👈 جبريل : الحكومة تعكف على خطة لعلاج اوضاع الطلاب السودانيين بالخارج
📌 بي تطول؟
ه
📰 المواكب:
👈 شركات أمريكية تستعد لإنفاق 20 مليار دولار في سوق الإستثمار بالسودان
📌 طيب ال مانعهم شنو؟
ه
📰 النيل الدولية:
👈 التجارة: ضوابط صارمة لضمان توريد حصائل الصادر
📌 يحلنا الحل بلة نحن من حصائل الصادر وتهريب الدهب
ه
📰 النيل الدولية:
👈 إحالة بلاغ بيع محالج مشروع الجزيرة للمحكمة
📌 العوض وافق ياقول الراجل أقصد النائب العام وافق؟
ه
📰 النيل الدولية:
👈 إعلان الحوافز التشجيعية للمغتربين اليوم
📌 نشوف ايش يجيب الغراب لامه
ه
📰 النيل الدولية:
👈 جنوب دارفور تستلم مقر آخر لبعثة يوناميد بنيالا
📌 طبعا يوناميد دي (تُورَثُ كلالة)
ه
📰 الحراك السياسي:
👈 ( المركزي) يبتلع ” الموازي” بعد ( التعويم)
📌 بالصحة والراحة ومحل ما يسري يمري
ه
📰 الحراك السياسي:
👈 محمد ضياءالدين يتهم الحكومة بالخضوع لإملاءات خارجية
📌 المهم انها تنجح في الاملاء ما تجيب أعد زي الحكومة الفاتت
ه
📰 الحراك السياسي:
👈 تعديل قيمة اليورو لاسعار خدمات الموانئ للسعر الحر
📌 التعديل ضروري عشان يحصلوا موسم العوم دا
ه
📰 الحراك السياسي:
👈 مستفيدون من نبش النفايات وراء توقف مصنع التدوير
📌 خلاص خلوهم يستفيدوا ويدوروها هم
ه
📰 الحراك السياسي:
👈 اعتماد تنفيذ ترقيات معلمي الخرطوم هذا الشهر
📌 بالتوفيق
ه
📰 الحراك السياسي:
👈 (الشعبية ) ل ( الحراك) : الوساطة أبلغتنا ببدء التفاوض قربيا
📌 ربنا يتمم على خير
ه
📰 الحراك السياسي:
👈 وزيرة الخارجية تبحث توظيف سودانيين ب ( يونتامس)
📌 نظام واسطة يعني والا تستكشف وكدا
ه
📰 الحراك السياسي:
👈 محتجون يغلقون محلية عطبرة
📌 كيزان والا مقاومة؟
ه
📰 الانتباهة:
👈 منع شركات الطيران من بيع التذاكر بالدولار
📌 لزوموا شنو البيع بالدولار بعد التعويم؟
ه
📰 الانتباهة:
👈 طعون ضد مرشحين ل ( التشريعي) في (5) ولايات
📌 زمان كان الترشيح مصحوب بمقولة اخونا من الأعضاء الفاعلين في الحركة الإسلامية وله سابقة جهاد تاني مافي زول يطعن والا يقرص والا يعضي
ه
📰 الانتباهة:
👈 (هيومن رايتس) تطالب الحكومة بردع قوات الدعم السريع
📌 أممممك انتو جادين؟
ه
📰 الانتباهة:
👈 أستقرار أسعار الذهب
📌 عقبال أسعار السلع
ه
📰 الانتباهة:
👈 تراجع نسبة تحاويل المغتربين بالسوق الموازية( 50) %
📌 لسع خلوا البنوك تفتح
ه
📰 الانتباهة:
👈 شركات سودانية وأجنبية متورطة في شحن السيارات
📌 بواقي كوزنة
ه
📰 الانتباهة:
👈 أكثر من (50 ) آلف دولار حصيلة شراء العملات يوميا بالفاشر
📌 دا غير حق التمباك
ه
📰 الصيحة:
👈 اليوم اجازة قانون مفوضية مكافحة الفساد
📌 نشيف
ه
📰 الصيحة:
👈 الطاهر حجر ل ( الصيحة ) : نؤيد التطبيع مع إسرائيل
📌 يازول الموضوع دا مافي زول قاعد يعترض عليه
ه
📰 الصيحة:
👈 كبلو ل ( الصيحة) : الشيوعي يؤيد احتكار المركزي لصادر الذهب
📌 الشيوعي جنو وجن تجار الذهب
ه
📰 الصيحة:
👈 رهن تصدير الماشية للسعودية بتوقيع البروتوكول التجاري
📌 والدفع قبل الرفع
ه
📰 الجريدة:
👈 المكون العسكري يرشح ترك ومادبو وعجيب وودعة للمجلس التشريعي
📌 حبيبي أكتب لي وانا أكتب ليك
ه
📰 الجريدة:
👈 (قحت) تطالب وزارة المالية بتعديل الموازنة عقب تعويم الجنيه
📌 ياخي انتو ميزانيتكم الفاتت مافي زول فهم فيها حاجة اسكتو خلوا الراجل يشتغل
ه
📰 الجريدة:
👈 مدير ادارة الصيدلة بالخرطوم الامدادات رفعت سعر الأدوية 300%
📌 نحن الدرب بتاع النسبة دا راح لنا في الموية ورينا سعر الانتيبايوتك كم ودوا الملاريا كم والبندول كم
ه
📰 الجريدة:
👈 لجان المقاومة تكشف عن بيع اسطوانات الغاز بالسوق الأسود داخل مصفاة الجيلي
📌 اول انتو فاكرين المصفاة مافيه كيزان؟
ه
📰 الجريدة:
👈 عضو بالسيادي: لا صحة لمطالبتنا بسيارات لاندكروز
📌 قول والله
ه
📰 السوداني:
👈 ( البرهان وحمدوك) يشاركان في مؤتمر ” باريس” مايو المقبل
📌 وحميدتي كيف؟ والا داك تبع إيطاليا ، سنة يا السايق الفيات
ه
📰 السوداني:
👈 مصدروا الذهب يتعهدون بتوفير( 150) مليون دولار شهريا
📌 أفلحوا ان صدقوا
ه
📰 السوداني:
👈 ابنة ( عثمان كبر) : حصلت علي( 16) مليون جنية تمويل شخصي من بنك الصادرات
📌 سبحان الله عندنا ناس ماتوا منتظرين تمويل العلاج
ه
📰 السوداني:
👈 القبض علي (6) مهتمين نهبوا مجمعا طبيا بالخرطوم
📌 اها القبض عرفناهو ماذا بعد القبض ؟
ه
📰 السوداني:
👈 أمريكا: سنعطي أولوية تاشيرة الهجرة للسودانين المتأثرين بحظر ترامب
📌 كلنا متأثرين ، أدونا فرصة والله أسبوعين بس نخلي لكم حمدوك قاعد الصقيعة براهو
ه
ه
📌ابووضاح 📌
https://www.facebook.com/dababies




مصدر الخبر موقع صحيفة الوطن الإلكترونية

Comments
No comments yet, take the initiative.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

‏اخبار السودان الان من كل المصادر‏ © 2022