📌 دبابيس من صحف الخميس 04 مارس 2021م – صحيفة الوطن الإلكترونية




ه
ه
حكمة اليوم:
قال الشاعر:
اذا نطق أمين جهاز المغتربين يوما
فلا تجبه وخير من اجابته السكوت
وقال آخر:
لكلِّ داءٍ دواءٌ يُسْتَطَّبُّ به
الا جهازهم هذا أعيى من يداويه
ه
ه
سؤال:
👈 ورونا بالواضح كدا ما بالدس ، ظاهرة النهب والقلع في وضح النهار في العاصمة الخرطوم دي السيد الوالي والسيد مدير شرطة الخرطوم والسيد مدير عام الشرطة والسيد وزير الداخليه معقول كلهم مافيهم واحد سمع بيها والا عندهم فيها مصلحة؟؟؟؟…..
ه
ه
زيارة السيسي للخرطوم مرفوضة:
👈 نرفض وندين بأشد العبارات زيارة الرئيس المصري عبد الفتاح السيسي الى السودان ولا مرحبا به ولا بمرافقية ، وستظل حلايب واخواتها سودانية ولو نطق أبو الهول؟
ه
ه
توضيح من الخارجية السودانية:
👈 الخرطوم: سودان برس…… قالت وزارة الخارجية السودانية أنّه تمّت إساءة عرض مضمون حديث الوزيرة مريم الصادق، خلال زيارتها لجمهورية مصر ، وتم تناولها بصورة غير موضوعية.
وأوضحت الوزارة في بيان لها، أن الغرض في نشر مقاطع مقتطعة من التسجيل المصور قصد منه إبراز المعاني الواردة فيما يروج له البعض حول الأمر.
وأوضحت أنّ حديث الوزيرة كان حول الاستغلال المشترك للموارد خدمةً لمصالح الأطراف المتشاركة،‏ والالتزام بنهج التعاون كخيار للعلاقات بين الدول.
وأكدت أنّ الوزيرة تضع نصب أعينها أهداف الثورة ، من السيادة غير المنقوصة والاستقلال غير المشوب ، وأمن وسلام واستقرار والشعب السوداني.
📌 تاريها الوزيرة تضع نصب أعينها أهداف الثورة ونحن الزمن دا كلوا فاكرينها تضع كحل مسكينة ظلمناها……
ه
ه
📰 الوطن:
👈 الشيوعي :دخول السفن الروسية والأمريكية للبلاد عودة للإستعمار
📌 مرحب حبابه ألف….. الخير الشافو السودان من الاستعمار لي هسع مشتاق له
ه
📰 الوطن:
👈 جوبا تبدي قلقها من عقبات تواجه تنفيذ إتفاق السلام
📌 لموا قلقكم وارفعوهو كويس نحن مابتجينا عوجة
ه
📰 الوطن:
👈 بلاغ في مواجهة البنك الزراعي ومؤسسة زراعية بتهمة التسبب في أمراض بحلفا الجديدة
📌 خلاص تاني الزراعة دي نتبعها بنك الدم
ه
📰 الوطن:
👈 غرفة المستوردين :تحرير سعر الصرف أربك أسعار الدواء
📌 أسعار الدواء مربوكة من أيام ال 34 شركة وهمية ديك والا نسيتو؟
ه
📰 المواكب:
👈 وضع عضو بالسيادي في الإقامة الجبرية بأمر قواته
📌 سجمنا
ه
📰 المواكب:
👈 47 قتيلا وجريحا في تجدد القتال القبلي بدارفور
📌 دارفور دي غايتو الا الله يهديها من عنده
ه
📰 المواكب:
👈 اثيوبيا: الحرب مع السودان مستبعدة ومستعدون للتفاوض بحسن نية
📌 نحن ذاتنا مستعدين بي حسن نية وحسن عطيه ذاتو الله يرحمه
ه
📰 الحداثة:
👈 لقاء مفاجيء بين البرهان والحلو في جوبا
📌 قول والله
ه
📰 الحداثة:
👈 عضو بلجنة ترشيحات الحرية والتغيير : أطراف دولية تتدخل في تشكيل التشريعي
📌 من يهن يسهل الهوان عليه
ه
📰 الحداثة:
👈 عقد بقيمة 147 مليون جنيه لنقل وقود المحطات الحرارية عبر السكة حديد
📌 بالجنيه الجديد والا القديم والا بالعايم
ه
📰 الحداثة:
👈 محافظ مشروع الجزيرة: زيارة حمدوك لها أهميتها السياسية لزيادة الإنتاج
📌 سنة يا السماد
ه
📰 الحداثة:
👈 الوساطة تعبر عن رفضها لماحدث بمسار الشرق في إتفاق جوبا
📌 نحن نجيب امبيكي يحل الموضوع دا
ه
📰 الحداثة:
👈 شركة صينية ترغب في استثمار 200 مليون دولار بقطاعي الزراعة والتعدين
📌 نحن برضو نرغب ونرقب بالقاف كمان
ه
📰 الحداثة:
👈 الوطني الاتحادي ينتقد حجر ويصف تصريحاته حول قواته بالسلبية
📌 عليكم الله الزول دا سيبوهو هسع بي الله وآمين حتى طلع من جماعته سالم ؟
ه
📰 الحداثة:
👈 قيادي بالتحرير والعدالة يطالب بمحاسبة وزيرة الخارجية
📌 ينصر دينك يا أستاذ نفيساااا
ه
📰 الحراك السياسي:
👈 للمرة الثانية.. البرهان يلتقي نتنياهو
📌 مافيها حاجة ، الزمن دا حتى التطعيم بقى جرعتين
ه
📰 الحراك السياسي:
👈 تورط المخلوع في بيع 8 طائرات
📌 هو المخلوع دا كان رئيس والا دلالية؟
ه
📰 الحراك السياسي:
👈 وزير الإستثمار للحراك: إلغاء الضرائب علي المستثمرين ل5 سنوات
📌 حتى أوكتاي ؟
ه
📰 الحراك السياسي:
👈 انعدام الأدوية المنقذة للحياة وتوقف عشرات الصيدليات
📌 دا بقى من الاخبار التي لا يقرأها أحد
ه
📰 الحراك السياسي:
👈 فتح ملف فساد رجل أعمال اجنبي أطلق سراحه بأمر قوش
📌 ورجل الأعمال دا في البلد والا شرد ؟
ه
📰 الحراك السياسي:
👈 حميدتي: الأزمات في طريقها للحل ونعمل من أجل العبور
📌 والله العظيم رغم أي حاجة الحقيقة تتقال ، انت الوحيد الشغال
ه
📰 الحراك السياسي:
👈 مالك عقار: يجب الإعتراف بالآخر
📌 ياخي نزغرت يعني ؟ ، نحن حتى اسرائيل اعترفنا بيها
ه
📰 الحراك السياسي:
👈 شاويش: الحكومة تلعب بالنار وتدعم رافضي إتفاق الشرق
📌 خليها كان تحرق البلد وتريحنا منها
ه
📰 الحراك السياسي:
👈 حجر: أوضاع النازحين مأساوية
📌 اطلعوا من الفنادق وامشوا اشتغلوا على تحسينها
ه
📰 الصيحة:
👈 تأكيدا لما انفردت به الصيحة.. لقاء بين البرهان والحلو لكسر الجمود
📌 جمود صخر حطه السيل من علٍ
ه
📰 الصيحة:
👈 جبريل يدعو لشراكات خارجية لتطوير الموانئ
📌 خت ايدك في يد بت اللمام وجيبوا لها ناس من برا يستعمروها ليكم
ه
📰 الصيحة:
👈 توت قلواك : انا مامبسوط
📌 شنو يااا أأمممك ، قنيتا مننا ؟
ه
📰 الصيحة:
👈 وكالات تضع شروطا قاسية علي هجرة الأطباء الي السعودية
📌 دا موسم
ه
📰 الصيحة:
👈 الشعبة تطالب الحكومة بالتراجع عن قرار احتكار تصدير الذهب
📌 الحكومة كان رجعت وراء بي تقع
ه
📰 الصيحة:
👈 عودة مصفاة الخرطوم للعمل بطاقتها القصوي الأحد المقبل
📌 خلاص الدكتور كتب لها خروج؟
ه
📰 الصيحة:
👈 حميدتي يتعهد بمحاربة الفساد وحل أزمة كهرباء الضعين
📌 الله يقدرك
ه
📰 الانتباهة:
👈 استرداد 212 مليار جنيه من مستثمر أجنبي
📌 دا كان دافن دقن وين بالمبلغ دا ؟
ه
📰 الانتباهة:
👈 الاستعانة بجهات بديلة لفحص فيديوهات فض الإعتصام
📌 الفيديوهات وااااضحة لكنها لا تعمى الأبصار وانما تعمى القلوب التي في الصدور
ه
📰 الانتباهة:
👈 عضو بمجلس السيادة : الأوضاع التي يعيشها المواطن جحيم
📌 المواطن اذا كان بدفع مخصصات لجيوش من العطالة والهابطين من السماء ليه ما يعيش في جحيم
ه
📰 الانتباهة:
👈 عائشة موسي: وجود قوات مناوي في الخرطوم أثلج صدرونا
📌 مابيلحق اطلاقك للمساجين ومعتادي الاجرام من السجن
ه
📰 الانتباهة:
👈 مخاطر هائلة تحاصر محمية الردوم في دارفور
📌 عندهم نيقرز؟
ه
📰 الانتباهة:
👈 حميدتي: الفساد موجود ولن نسكت عنه
📌 نحن عاوزنكم تساعدوا الناس الغير فاسدين عشان يتعلموا الفساد حتى يقدروا يندمجوا في المجتمع
ه
📰 الانتباهة:
👈 مسلحون يهاجمون منجما في شمال دارفور وينهبون المعدنيين
📌 أحسن لهم من يقعدوا يحفروا ويفتشوا مرة يحصلوا وعشرين مرة لا
ه
📰 الانتباهة:
👈 5 ملايين دولار عائد بيع حصائل الصادر للبنوك يوميا
📌 دا حاصل بيع شنو ؟ نمل؟
ه
📰 الانتباهة:
👈 مسار الشمال يهدد بتكوين حركة مسلحة
📌 ههههاااي كان زمان
ه
📰 الانتباهة:
👈 أهالي معتقلين من النظام البائد يقتحمون مقر حكومة الجزيرة
📌 من أمن العقوبة اساء الادب
ه
📰 الانتباهة:
👈 فرض رسوم علي مدارس رياض الأطفال الخاصة والأجنبية
📌 لو زهجوا منها يقفلوها ويريحوكم
ه
📰 النيل الدولية :
👈 البرهان وموسيفيني يتفقان على عقد قمة للدول المطلة على النيل
📌 المطله على النيل يعني لا تشمل ناس كسلا وبورتسودان الفاشر ونيالا مثلاً
ه
📰 النيل الدولية :
👈 حمدوك يترأس الاجتماع الخاص بتوفير الكهرباء خلال الصيف و رمضان
📌 العوض على الله
ه
📰 النيل الدولية :
👈 إثيوبيا: اتفاقيات السودان ومصر لا تقلقنا ما لم توجه ضدنا
📌 والله نحن تقلقنا وتطلع ميتينا ذاتهم
ه
📰 النيل الدولية :
👈 صراع أمريكي روسي على السودان.. الخرطوم ترحب وبكين تراقب
📌 نحن مع المنتصر
ه
📰 النيل الدولية :
👈 مسؤول: إعادة تصدير ماشية سودانية للسعودية بعد اخضاعها للحجر
📌 قالوا الهناية مابتتوب والموية مابتروب
ه
📰 النيل الدولية :
👈 وصول الدفعة الأولى من لقاح كوفيد 19
📌 نحن نظام الدفعات دا مابينفع معانا عاوزين (كوفيد خلا) براااهو من غير دفعة
ه
📰 السوداني:
👈 (700 ) ألف سوداني بلبيبا لا يملكون جوازات سارية
📌 دبل مساكين تلقاهم لي هسع قايلين الجواز بي 45 جنيه
ه
📰 السوداني:
👈 التجديد الأمين العام لجامعة الدول العربية أحمد أبو الغيط لفترة جديدة
📌 المش دوده منه فيه
ه
📰 السوداني:
👈 الجامعة العربية تؤكد دعمها الكمال الانتقال الديمقراطي في السودان
📌 أمحق دعم
ه
📰 السوداني:
👈 الخرطوم تتمسك بالوساطة الرباعية واتفاق ملزم قبل تعبئة سد النهضة
📌 عادي الخرطوم ليها زمن متمسكة بي حلايب ومصر ضمتها وانتهت
ه
📰 السوداني:
👈 تحديد جلسة (الأربعاء) للفصل في طلبات قضية المدينة الرياضية
📌 حجوة ام ضبيبينة رقم اتنين
ه
📰 السوداني:
👈 الاتحاد الأوربي : أمن السودان مهم جدا وله تأثير على المنطقة
📌 أمن شنو السودان (القلع) فيه بقى مهنة رسمية
ه
📰 أخبار اليوم :
👈 حركة عبد الواحد تبدي قلقها من أعمال عنف قبلي بجنوب دارفور وشمال دارفور تؤكد احتواء الموقف الامني بسرف عمرة.
📌 يعني سرف عمرة NO قلق؟
ه
📰 أخبار اليوم :
👈 الطاهر حجر ينفي تأخر اداء القسم لاعضاء مجلس السيادة لاسباب سياسية.
📌 مالقيتوا مصحف يتحمل والا شنو؟
ه
ه
📌ابووضاح 📌
https://www.facebook.com/dababies




مصدر الخبر موقع صحيفة الوطن الإلكترونية

اترك تعليق

%d مدونون معجبون بهذه: