📌 دبابيس من صحف الثلاثاء 27 ابريل 2021م – صحيفة الوطن الإلكترونية



ه
ه
PCR عند كل سفرية:
👈 لو وزيرة خارجيتنا ملتزمة بالإجراءات الصحية وبتعمل فحص PCR قبل السفر وحين العودة من السفر ، قطع شك بعد شوية عادي جداً بتاع المختبر يشيل ملعقة والا كمشة ويدخل داخل الأنف يشيل العينة ويجى طالع؟؟……
ه
ه
اخبار كورونا:
👈 أخبار اليوم:…. الصحة: التهاون ساهم في ارتفاع إصابات ووفيات كورونا و125 اصابة خلال 24 ساعة..
ه
ه
وزير النقل يبحث التعاون مع شركة هامبورج الألمانية للموانئ:
👈 الخرطوم: النورس نيوز…. أوضح وزير النقل في تصريح صحفي أنه وتلبية للدعوة التي قدمناها، إستقبلنا اليوم برئاسة الوزارة وفد شركة ( إستشارات ميناء هامبورج ) (Hamburg port consulting ) الألمانية ، وهي إحدى أكبر الشركات المتخصصة في تقديم إستشارات للموانئ البحرية والسكك حديد في العالم .
و تهدف الزيارة لإعادة العلاقات السابقة التي فقدناها في ظل العزلة التي تعيشها بلادنا والاستفادة من الانفتاح في التطوير والتعاون بين الموانئ السودانية و شركة إستشارات ميناء هامبورج (HPC) عبر الإستشارات وتقديم الدعم .
و تستمر الزيارة لمدة ثلاث أيام و ينتقل الوفد إلى مدينة بورتسودان اليوم لتقييم الوضع الراهن و الوقوف ميدانياً على تحديات العمل والتواصل مع إدارة الميناء و العاملين و المجتمع المحلي……
📌 أيوا عليكم الله ركزوا لينا مع الألمان ديل لأنهم أقل فساداً من غيرهم ؟ دا كان مالموا فيهم الكيزان قبل كدا وخربوهم….
ه
ه
رفض طلب الدفاع بشطب الدعوى الجنائية ضد “علي عثمان” للتقادم:
👈 الخرطوم: النورس نيوز…. رفض ممثل الاتهام بنيابة مكافحة الفساد والتحقيقات المالية طلب هيئة الدفاع عن النائب الاسبق للرئيس المعزول علي عثمان محمد طه، بشطب الاتهام والدعوي الجنائية ضده في فساد اراضي المدنية الرياضية والتجاوزات فيها لسقوطها بالتقادم.
والتمس ممثل الاتهام في رده علي طلب الدفاع، من المحكمة التي انعقدت بمباني محكمة الاستئناف الخرطوم بالامس ، السير في اجراءات المحاكمة – لانها من الجرائم المستمرة ولاتسقط بالتقادم ، مثلها كجرائم الحرب، والجرائم ضد الانسانية وجرائم انتهاكات حقوق الإنسان، وجرائم الفساد المالي وجميع الجرائم التي تنطوي علي اساءة السلطة منذ يونيو ١٩٨٩….
📌 تقادم؟ شي لله يا تقادم….والله ديل مفروض يكون الحكم عليهم بتسليمهم للشعب في ميدان عام ليشفي غليله منهم بنفسه…..
ه
ه
📰 الوطن:
👈 تفاصيل إجتماع البرهان وحمدوك بقيادة الجيش
📌 نحن شبعانين تفاصيل اجتماعات عوزين نتايج
ه
📰 الوطن:
👈 سلطة الطيران المدني توقف نقل الركاب بين السودان والهند
📌 هسع يكون في ناس حلة عندهم زول في الهند يقوموا يقفلوا لهم شارع والا كبري
ه
📰 الوطن:
👈 الخرطوم تشكل لجنة لتوزيع مياه الشرب “بالتناكر”
📌 وزعوها مع برنامج ثمرات ، الله يفضحمك كمان وكمان
ه
📰 الوطن:
👈 الصحة :تهاون المواطنين زاد معدلات كورونا
📌 المواطنين يعملوا شنو اذا كانت كل مقومات الحياة بما فيها المياه أصبحت صفوف وتدافر وتدافع
ه
📰 التيار:
👈 حمدوك : ماضون في بناء جيش وطني ومهني ومحترف
📌 والله بي طريقتكم دي طلائع زي طلائع مايو ما تقدروا تبنوها
ه
📰 التيار:
👈 تقرير رسمي يكشف عن تزايد مخيف في إصابات كرونا
📌 لن يكون مخيف اكتر من قرار توزيع المياه بالتانكر على البيوت
ه
📰 التيار:
👈 الشيوعي : مؤتمر الحكم يهدف لنسف فكرة المؤتمر الدستوري
📌 طيب ايه رأيكم أنا كمواطن وبكامل قواي العقلية أقول لكم (طظ) في المؤتمرين
ه
📰 الصيحة:
👈 الصيحة تكشف عن زيادة كبيرة في رسوم المغادرة بمطار الخرطوم
📌 دا على أساس ال ما عندو قروش مايسافر ، نفس نظام مامون حنيدو في التعليم
ه
📰 الصيحة:
👈 نداءات لانتشال جثث 150 سودانيا غرقوا في البحر المتوسط
📌 لا حول ولا قوة الا بالله ، السودانيين الموت ورانا ورانا
ه
📰 الصيحة:
👈 حميدتي: تنفيذ الإتفاق تأخر والاتفاقية خاطبت قضايا الحواكير
📌 ياخي بركة بالشوفة والحمدلله على سلامتك
ه
📰 الصيحة:
👈 حمدوك: زيارتي لقيادة الجيش لتأكيد الشراكة مع العسكريين
📌 ونحن زياراتنا للصفوف تأكد فشل هذه الشرامة
ه
📰 الصيحة:
👈 عضو بلجنة التحقيق: يمكن استرداد خط هيثرو
📌 نحن المشاريع الكبيرة دي قنعنا منها بقى غاية طموحنا جغمة موية وحتة رغيفة
ه
📰 الصيحة:
👈 الصحة:عدم التزام المواطنين أدي لتفشي كورونا
📌 قوموا لفوا
ه
📰 الحراك السياسي:
👈 وزير الصناعة للحراك: أزمة الخبز مصنوعة ومخزون الدقيق يكفي ل8 أشهر
📌 طيب ليه ما تعدموا من صنعوها أليت هذا فساد في الأرض وفته؟
ه
📰 الحراك السياسي:
👈 الوساطة للحراك: بدء المفاوضات بين الحكومة وحركتي الحلو ونور مطلع مايو المقبل
📌 قرفنا
ه
📰 الحراك السياسي:
👈 التغيير للحراك: تشكيل التشريعي لن يتعطل بسبب خلافات الولايات
📌 برضو قرفنا
ه
📰 الحراك السياسي:
👈 نداءات لانتشال جثث سودانيين غرقوا أثناء العبور من ليبيا لأوروبا
📌 كمان نمشي ننتشل من البحر الابيض ، نحن الجثث المالية المشارح راسنا ضارب فيها
ه
📰 الحراك السياسي:
👈 قراران متضاربان من القضاء وإزالة التمكين يشعلان نزاعا علي منجم ابوغزالة
📌 على قول إخواننا اليمنيين غلطان القاضي
ه
📰 الحراك السياسي:
👈 العطش يهدد عشرات الأحياء ومياه الخرطوم تعد بحل خلال 3 أسابيع
📌 يعني الناس يعيشوا ضب لمدة تلاتة أسابيع ؟
ه
📰 الحراك السياسي:
👈 لجنة جمع السلاح للحراك: ضبط كميات كبيرة من السلاح بولايات دارفور الخمس
📌 والله السلاح دا الا كان قاعدين تشيلو منهم وترجعوهو ليهم تاني
ه
📰 الحراك السياسي:
👈 الشيوعي يرفض تلبية دعوة حكومية للمشاركة في مؤتمر الحكم
📌 أحسن
ه
📰 المواكب:
👈 المجلس الرئاسي للجبهة الثورية يصدر عددا من القرارات
📌 هلا هووووك الجماعة شكلهم استعدلوا وعرفوا الرصة
ه
📰 المواكب:
👈 مباحثات مشتركة بين الغرف التجارية والسفارة الألمانية بالخرطوم
📌 بالالماني؟
ه
📰 النيل الدولية:
👈 السودان يثمن دور الاتحاد الأفريقي في الوساطة بشأن سد النهضة
📌 اتوصلت لي شنو؟
ه
📰 النيل الدولية:
👈 وزير الداخلية يرأس إجتماع اللجنة العليا لتأمين إمتحانات الشهادة السودانية
📌 والله مع النيقرز والعصابات ال ملأت البلد الابام دي الا تحفروا ليها خندق يا قول البرهان
ه
📰 أخبار اليوم:
👈 886 ألف متر مكعب حجم النقص اليومي للمياه بالخرطوم.
📌 خلوها 888 عشان العاوز مويه يدوس نجمة ثلاثة تمانيات موربع
ه
📰 أخبار اليوم:
👈 محمد الفكي:القوانين المجازة تعاقب المفسدين وتضمن دمجهم في المجتمع.
📌 والله ماشفناها عاقبت زول مع كثرة المافسدين
ه
📰 أخبار اليوم:
👈 استكمالاً لجسرها الجوي.. وصول طائرة مساعدات إماراتية دعماً للأسر السودانية.
📌 شكرا دار زايد
ه
📰 السوداني:
👈 رزق: سأسحب أموالي من البنك إذا تحول للنظام الربوي
📌 سنة يا أموال امازون ضوت كوم
ه
📰 السوداني:
👈 (زراعة القضارف) تؤكد تعدي لاجئين إثيوبيين على الغابات
📌 بلوهم طوالي
ه
📰 السوداني:
👈 (3 ) ملايين جنيه حصيلة النفرة الكبرى لدعم متضرري حريق
قريضة
📌 تاني مافي نفرة بتنجح ولا في زول بي شارك في نفرة
ه
📰 السوداني:
👈 المحكمة تطلب شاهد اتهام من بنك السودان في قضية الحاج عطا المنان
📌 جرجرة من أمها
ه
📰 السوداني:
👈 وزيرة الخارجية إلى كنشاسا ضمن جولة افريقية
📌 الزولة دي وريتوها تقول شنو وما تقول شنو والا فكيتوها ساكت تمشي تجيب لنا استعمار توتسي هوتو كمان
ه
📰 السوداني:
👈 لجنة التحقيق في قضية قتل شهداء الثورة تصل القضارف
📌 من زمان ما راحت لييييييه
ه
ه
📌ابووضاح 📌
https://www.facebook.com/dababies




مصدر الخبر موقع صحيفة الوطن الإلكترونية

اترك تعليق

%d مدونون معجبون بهذه: