📌 دبابيس من صحف الثلاثاء 25 مايو 2021م – صحيفة الوطن الإلكترونية



ه
ه
*حكمة اليوم*
الاحترام حلو بس لا يصلح لكل الناس…..
ه
ه
⚠ *قيل لحكيم : كيف السياسي المعارض بيتغير لما يخش الحكومة*
👈 قال : عادي الرجل في الروايات والأفلام يتعرف على واحدة غير محترمة يخليها تبقى محترمة ويتزوجها
والرجل في الحياة والحقيقة يتعرف على واحدة محترمة يخليها تبقى غير محترمة ويسيبها
ه
ه
⚠ *سؤال*:
👈 انتو شركة فاغنر الروسية موجودة لسع في السودان والا كسحت ولو موجودة شغالة لصالح منو؟….
ه
ه
⚠ *أخبار كورونا*:
👈 السودانيٰ: (47) حالة إصابة جديدة بفيروس كورونا منها ( 5) وفيات.
ه
ه
⚠ *الكاردينال يستقيل من رئاسة (قوس)*:
👈 الخرطوم: النورس نيوز….أعلن رجل الأعمال السيد/ أشرف سيد احمد الكاردينال، باستقالته، أمس الاثنين، على نحو مفاجىء، من رئاسة تحالف قوي وطني السودان (قوس).
وجاء فب جزء من نص الاستقالة التي تلقت (النورس نيوز) نصها: (لارتباطي باعمال تجارية كبيرة هنا وهناك والتزامات اسرية اخرى واحساسي المتنازع الذي لم يستوعب وجودي في مضمار السياسه نهائيا رغم محاولاتي المتعددة والتي حاولت من خلالها ان أكون جزءً من هذا القطاع المهم والهام لأخدم بلدي ووطني من خلاله خاصة وإنني احفظ له الكثير من التقدير واحمل له العديد من الواجبات المستحقة السداد..
الا ان كثير من تفاصيله الداخلية لم تستوعبها النفس البشرية المتعودة على تفاصيل معينة لم تتواءم مع تلك الجزئيات المكونة لعالم السياسة العريض والذي يتطلب لاشياء غير موجوده في تكويني الداخلي الفطري)……
📌 يا قريبي السياسة شغل زول عاطل ما شغل زول تاجر….
ه
ه
⚠ *مهرب تلفون للرئيس المخلوع في كوبر يدير النيابة العامة الآن*:
👈 صحيفة الراكوبة: كتب هشام عبدالنعيم….. الآن النائب العام الحقيقي هو احمد الحلا وهو الذي اتهم سابقا بتهريب تلفون للرئيس المخلوع عمر البشير في سجن كوبر وهو أيضا رصد بإصدار أذونات زيارة لسجن كوبر لفلول النظام السابق لعقد اجتماعات مع عمر البشير ونافع.
وتم رصد هذه الاجتماعات بواسطة جهاز الأمن السوداني في سجن كوبر ورفعوا تقريرا بذلك.
إن ما يحدث في النيابة العامة الان هو تمكين كامل لمنسوبي المؤتمر الوطني.
الان رئيس نادي النيابة أحمد الحلا بعد أن حقق هذا الامر سافر الي تركيا ومعه ايضا عضو نادي القضاة احمد الناطق وهو من تنظيم المؤتمر الوطني الذي كان يدير القضائية مع مولانا نعمات.
وحسب مصادر في تركيا علمنا انهم اجتمعوا بعدد من فلول النظام السابق الموجودين الآن في تركيا والذين قدموا لهم الدعم المالي لقيادة المرحلة القادمة……
📌 قاااااااااي….. على قول صلاح السعدني؟……
ه
ه
📰 الوطن:
👈 الجمارك تدون بلاغات جنائية في مواجهة مدير بدر للطيران.
📌 وهل يصلح البلاغ ما افسده التهريب أقصد ما افسده الدهر
ه
📰 الوطن:
👈 الإعدام شنقاً لضابط بالدعم السريع أدين بقتل الشهيد حنفي.
📌 يلا اركنو الحكم في الرف أو احفظوهو في الدرج زي حكم محكمة قتلة الشهيد أحمد الخير وخلونا نتلفت
ه
📰 الوطن:
👈 قطر تـؤكد وقوفها مع السودان في ملف سد النهضة والحدود.
📌 كدا سااااي …. لوجه الله ؟
ه
📰 الوطن:
👈 الأرصاد تتوقع أمطار فوق المعدلات السابقة.
📌 ياربي يكون دا السوق الموازي بتاع المطر والا شنو؟
ه
📰 الوطن:
👈 حظر النشاط الدراسي وحصص التركيز خارج المدارس بالخرطوم.
📌 يعني لا عاوزين تركيز داخل المدارس ولا تركيز خارج المدارس؟ طيب ماتجوا تشيلوا العيال وتريحونا
ه
📰 الصيحة:
👈 منظمة أسر الشهداء تعتذر لحميدتي وعبدالرحيم لاتهامهما بفض الاعتصام
📌 التلج ما كعب في الكتمة دي
ه
📰 الصيحة:
👈 الصيحة تتحصل علي معلومات جديدة في بلاغ عبدالغفار الشريف
📌 يا حليلكم انتو لسع فاكرين الموضوع دا
ه
📰 الصيحة:
👈 مقترح قطري بإنشاء منطقة اقتصادية استثمارية في السودان
📌 في الفشقة برضو ؟
ه
📰 الصيحة:
👈 أوامر طواريء جديدة لحفظ الأمن بجنوب دارفور
📌 تفتكروا كدا؟
ه
📰 الصيحة:
👈 إستئناف صادر الماشية الي السعودية
📌 تجي راجعة بالسلامة ان شاءالله وربنا يكفيها شر وعثاء السفر
ه
📰 المواكب:
👈 الكشف عن وجود لكتائب الظل في القصر الجمهوري
📌 ضحكتونا
ه
📰 المواكب:
👈 اتجاه لتكوين المجلس التشريعي دون حسم خلافات الولايات
📌 قال على رأي المثل مشطوها بي قملها
ه
📰 المواكب:
👈 الطفل المعجزة يتولي وظيفة سيادية بالقصر الجمهوري في عهد المخلوع
📌 تلك امة قد خلت
ه
📰 المواكب:
👈 أسر الشهداء تقاضي جهات اعتذرت لحميدتي بإسم المنظمة
📌 أممممك …. (منظمة أسر الشهداء) في فتيل
ه
📰 المواكب:
👈 محاكم خاصة لقضايا الشهداء و8 ملفات أمام القضاة
📌 عيش يا حمار
ه
📰 المواكب:
👈 وزير الداخلية/ نستطيع الدفع بقوات الي دارفور ولكن الافضل دعم المدارس
📌 نفهم من كدا انك نويت تسيب الداخلية وتبقى وزير تربية وتعليم والا كيف
ه
📰 النيل الدولية:
👈 قطر تتعهد بمساندة السودان في صراعه مع إثيوبيا.
📌 هو الصراع مع اثيوبيا سوداني والا مصري؟
ه
📰 النيل الدولية:
👈 الجنائية توجه لكوشيب تهما بالقتل والاغتصاب من بين 31 تهمة.
📌 بي لغة الكوشتينة دا حَرَق خلاص ، مفروض يقوم ويقعد مكانه نافع والا احمد هارون
ه
📰 النيل الدولية:
👈 الحرية والتغيير: لم نناقش تغيير ولاة الولايات.
📌 هسع انتو فاضيين من مزلقانات حزب الأمة ؟
ه
📰 النيل الدولية:
👈 انتشار مخيف.. 3 آلاف حساب لبث الشائعات في السودان.
📌 رزق ساقه الله للجداد الالكتروني
ه
📰 النيل الدولية:
👈 مرور الخرطوم تدشن مشروع ترخيص الركشات والتكاتك.
📌 اول هي الركشات كانت قاعده أم فكو ؟
ه
📰 النيل الدولية:
👈 إدارة الطوارئ تلغي القرار القاضي بإيقاف (13) معملا لفحص الكورونا.
📌 هي البلد فيها كم (13) مركز عشان يوقفوا منها (13)
ه
📰 أخبار اليوم:
👈 إعتصام العدالة يطالب باطلاق سراح معمر وبطرس أو تقديمهما لمحاكمة عادلة.
📌 والله نحن ذاتو ما عارفين لي متين حا نقعد نصرف على الناس المعتقلين بدون محاكمات ديل
ه
📰 السودانيٰ:
👈 الاستخبارات تُعيد (9) مهندسين اختطفتهم حركة عبد الواحد محمد نور من جبل مرة.
📌 أممممك حركة عبدالواحد بقت تخطف؟
ه
📰 السودانيٰ:
👈 مقتل ثلاثة وإصابة العشرات في مواجهات قبلية ببورتسودان.
📌 هنالك جهة معينة يهمها فتنة مكونات الشرق وقيام حرب أهلية فيه
ه
📰 السودانيٰ:
👈 إغلاق قضية الدفاع عن المتهم بقتل الشهيد حسن محمد عمر.
📌 يعني شنو؟ مافهمنا
ه
📰 السودانيٰ:
👈 والي البحر الأحمر يصدر أمر طوارىء بحظر التجول والتجمهر ببورتسودان على خلفية مواجهات قبلية.
📌 ان شاءالله يجيب مريسة تام زين
ه
ه
📌ابووضاح 📌
https://www.facebook.com/dababies




مصدر الخبر موقع صحيفة الوطن الإلكترونية

أضف تعليق