بابكر سلك يكتب: وداعا التوالي


*اولي صور العراك المريخي والنزاع حول السلطة
*دفع المريخ ثمنه فاقدا الصدارة مكتفيا بالوصافة(اذا قدر يحافظ عليها)
*بعض الناس تحدثوا وقالوا
*الدوري ملحوق وكل البطولات ملحوقة في مواسم اخري
*نخسر اي شئ في سبيل ذهاب سوداكال
*مريخاب في نقاش قالوا كدة
*واحد استنكر وعمل اسكرين وجابو لينا
*واريتو لو ماجابو
*قلناها مرارا
*اعتركوا بعيدا عن تيم الكرة
*وبديتو بتيم الكرة
*دائرة جديدة ودائرة قديمة
*ثم نقل المباريات للخرطوم
*ثم خسارة للصدارة
*ومعترك بدا السادسة صباحا يوم الكورة
*ماداير اتكلم في الحتة دي كتير
*اعود للمباراة
*الف ركنية تنفذ عشوائيا
*خمسمية ضربة حرة خارج الخط تنفذ بكرنقونية غريبة
*لا لاعب مخصص للضربات الحرة
*ولا طريقة للتنفيذ
*ولا خطة بتاعت الحلة الزمان ديك عند تنفيذ الركنيات
*هو التدريب ده كيف بس!!!!!
*مشية كلارك خصم كبير علي سوداكال
*وناس علي اسد لو جادين في ابعاد سوداكال
*يمسكوا في كرنقو قوي
*بشيلو ليهم براااحة
*على كل
*كانت مباراة البدون
* بدون روح
*بدون خطة
*بدون تكتيك
*بدون تغييرات مناسبة
*بدون دائرة كرة
*بدون اهداف
*بدون صدارة
ولسسسسسسة
*المهم
*الواقع الاداري الرياضي
*بقول اننا لسة بعيدين شديد
*فالوسط الرياضي يحتاج تفكيك ثم اعادة صياغة ثم صبر
*ولينا الله
*ايها الناس
*علاج تيري لاعب المنتخب قبل المريخ
*لم يحرك فيهو زول ساكن
*المنتخب قبل النادي يابرقو
*والولد صغير
*وتأخير العلاج في احايين كتيرة
*ببقي سبب لعدم العلاج
*والله بسألكم
*والصيني يعاني قبل تيري
*ولا كأنو عندو نادي
*بطلوا صراعات وقوموا بالواجبات يرحمكم الله
*ايها الناس
*مجرد سؤال
*جمعية ٢٠٢٠ الالغاها منو؟
*ومتين؟
*وكيف ذهبت اللجان الاتكونت بموجبها واتكونت بدلها لجان في جمعية سبعة وعشرين؟؟؟؟
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*الدخلكم في شؤون نادينا
*مابدخلكم في توفير الامن لينا
*مابحفركم الخيران لينا
*مابجبركم تيسروا الضنك علينا
*ولا مابخصكم يا والينا؟؟؟؟
سلك كهربا
ننساك كيف والكلب قال هل الوالي ولجنته الامنية يعلمون بان تسعة طويلة والقلع نهارا بالسكينة طايح فينا؟؟؟؟؟
والي لقاء
سلك

اضغط هنا للانضمام لمجموعات الانتباهة على تطبيق واتساب



مصدر الخبر موقع الانتباهه

اترك تعليق

%d مدونون معجبون بهذه: