دبابيس من صحف الأحد 01 أغسطس 2021م – صحيفة الوطن الإلكترونية



ه
ه
⚠ *سؤال* :
👈 موضوع العصابات والحرامية وقطاعين الطرق الشايلين بطاقات حركة اسمها تمازج دا شنو؟؟……
ه
ه
⚠ *حركات مسلّحة تحتلّ مزارع استردتها لجنة “إزالة التمكين”* :
👈 الخرطوم: النورس نيوز…… احتلت 3 حركات مسلّحة، ومدّججة بالأسلحة القتالية مزارع استردتها لجنة إزالة التمكين في وقتٍ سابقٍ.
وقالت صحيفة الانتباهة الصادرة اليوم الأحد، إنّ لجنة إزالة التمكين استردت تلك المزارع من رجل الأعمال عبد الباسط حمزة، ومزرعة من مدير جهاز الأمن الأسبق محمد عطا، والثالثة عبارة عن مصنع للطوب الحراري.
وأوضحت الصحيفة أنّ لجنة التمكين كانت قد عيّنت عليها حراسات من الشرطة لتأمينها، خاصة أنّ بداخلها معدات وآليات ووسائل إنتاج ومتحرّكات ومعدات، وأمرت الشرطة بتأمينها والحفاظ عليها، إلاّ أنّ قوات الشرطة التي تقوم بالتأمين تفاجأت بقوات مدّججة بالسلاح تدخل بمجموعاتٍ كبيرةٍ وتستولي على المزارع وتقيم بها، مما اضطر قوات الشرطة للانسحاب من تلك المواقع وجعل مصير تلك المزارع والآليات والمعدات المستردة مجهولاً…..
📌 والله الحركات المسلحة دي يطول الزمن أو يقصر تجي يوم تختار البيت وتقول لاصحابه اطلعوا انا هاهنا نازلون وأعلى ما في خيلكم اركبوه…..
ه
ه
⚠ *الخرطوم تتلقى طلبًا من أبوظبي لتسليمها متهمين بالإرهاب* :
👈 الخرطوم : النورس نيوز….. كشفت صحيفة (الصيحة)، عن أنّ النائب العام مولانا مبارك محمود، طلب من نيابة الجرائم المُوجّهة ضد الدولة، مدِّه بملف عناصر تنظيم القاعدة الموقوفين لدى النيابة.
وطبقاً لمعلومات الصحيفة، فإن طلب النائب العام للملف يأتي على خلفية طلب تلقّته النيابة العامة من دولة الإمارات بتسليمها اثنين من المتهمين في البلاغ، مطلوبين لديها.
وكانت السلطات الأمنية في الخرطوم، أوقفت في وقتٍ سابقٍ (9) عناصر من تنظيم “القاعدة” من جنسيات مُختلفة كانوا يُخطِّطون لتنفيذ تفجيرات في دول الخليج…..
📌 بسسسس تاهت ولقيناها سلمونا ود المامون نسلمكم ديل ، سلمني نضيف أسلمك نضيف……
ه
ه
⚠ *الرقابة على الأسواق.. إجراءات حكومية مرتقبة* :
👈 الخرطوم: كوش نيوز…. ألقت الحكومة بثلقها للتدخل لضبط ورقابة الأسواق، في منحى تزايد انفلات الأسعار، حيث كشف وزير التجارة والتموين، علي جدو، عن استيعاب المرحلة الثانية لحملة الرقابة على الأسواق ضمن التدخلات العاجلة لمجلس الوزراء…..
📌 أجمل مافي الخبر دا اني عرفت وزير التجارة اسمه (علي جدو) ، ما كنت قايل عندنا وزير تجارة….
ه
ه
📰 الوطن:
👈 واشنطن تشرع في تعيين سفير لها بالسودان
📌 قاعدين يلقطوا فيهو حتة حتة والا يعني شنو تشرع ؟
ه
📰 الوطن:
👈 المجموعة الوطنية تستنكر طلب حكومة أبي أحمد التدخل الدولي في تغراي ورفضه في ملف سد النهضة
📌 عادي تراهو نحن استردينا الفشقة ولازمين الصمت القبور ناحية مثلث حلايب
ه
📰 الوطن:
👈 إستثناء ولايات الشرق من تغيير الولاة
📌 الشرق والغرب ديل عضمهم بقى قوي عليكم ، احسن لكم تنططوا فوق الحيطة القصيرة بتاعة الوسط والشمال….
ه
📰 الوطن:
👈 تفاصيل مباحثات البرهان مع وفد أمريكي
📌 هلا بمباحثات الواقف قنا من الراستات والمانات
ه
📰 اليوم التالي:
👈 عرمان: البرهان جنرال ماهر والجيش أصبح قويّ
📌 جنرال وماهر ، ﻟﻴﻠﻲ ﻭﻧﻬﺎﺭﻱ ﺍﻧﺎ ﻟﻲ ﺣﺒﻚ ﺑﻬﺎﺟﺮ ﺍﺧﺬﻧﻲ ﻧﻮﺭﻙ ﻳﺎ ﺳﺎﺣﺮ ﺍﻟﻤﺤﺎﺟﺮ
ه
📰 اليوم التالي:
👈 جبريل لـ”اليوم التالي”: المالية غير مسؤولة عن الأموال المستردة
📌 لماذا يا هذا أهي رجس من عمل الشيطان؟
ه
📰 اليوم التالي:
👈 حمدوك: المنافسة بين القوات المسلّحة والدعم السريع تهدّد الانتقال
📌 دي ما منافسة يا حمدكة دا (ضرار)
ه
📰 اليوم التالي:
👈 اتّجاه لإعفاء ولاة الولايات وتأجيل التشريعي
📌 كان غلبك سدها وسع قدها
ه
📰 اليوم التالي:
👈 المعادن: إنتاج الذهب للنصف الأوّل من العام 30 طنًا
📌 يعمينا فيهو
ه
📰 اليوم التالي:
👈 وزير الطاقة: لا عودة لقطوعات الكهرباء
📌 يازول احرجتنا ، البارح اخبر في ناس البيت بالكلام دا الكهرباء قطعت
ه
📰 الحراك السياسي:
👈 هبوط اضطراري لـ”8″ طائرات إثيوبية بمطار الخرطوم
📌 فرصة ناس المطار يشتغلوا
ه
📰 الحراك السياسي:
👈 لجان المقاومة تطالب بلوائح جديدة لحماية الشهود
📌 قال تعالى: (وَلَا يُضَارَّ كَاتِبٌ وَلَا شَهِيدٌ ۚ وَإِن تَفْعَلُوا فَإِنَّهُ فُسُوقٌ بِكُمْ)
ه
📰 الحراك السياسي:
👈 حماية المستهلك تحمّل”المحليات” مسؤولية تراكم النفايات واختصاصي نفسي يربط بين الأوساخ والعصابات
📌 الاوساخ والذباب عرفناهم كمان جابت بها عصابات
ه
📰 الحراك السياسي:
👈 قرية”التيتي” تحتجّ ضد مشروع زراعي لم يف بخدمات اجتماعية
📌 المشروع يكون شغال بنظام تيتي تيتي زي ما روحتي جيتي
ه
📰 الحداثة:
👈 مصادر بالطب العدلي: الحديث عن نقل رفات جثامين للإمارات غير دقيق
📌 دقيق وخميرتو من فيهو كمان
ه
📰 الحداثة:
👈 “ماكرون” يبحث مع ”حمدوك” الأوضاع على الحدود الشرقية وأزمة ”التقراي”
📌 انت يا (ميكا) سيبك من الموضوع دا وركز لنا مع الدَّيَانَة والمقرضين
ه
📰 الحداثة:
👈 إضراب لكوادر التمريض يعيق العمل بمستشفى كوستي التعليمي
📌 يكون عجبوهم ناس القضارف
ه
📰 الحداثة:
👈 كشف ملابسات تحرير عناصر إحدى الحركات المسلّحة لمتهمين من قسم شرطة بالفاشر
📌 مافي أي ملابسات غير الافترا وعدم السؤال في القانون والدولة
ه
📰 الصيحة:
👈 الاتّحادي لـ”الصيحة”: قوى غامضة تدير الدولة من وراء ستار
📌 لزوموا شنو من وراء ستار ، خايفين من منو؟
ه
📰 الصيحة:
👈 النائب العام يطلب ملف عناصر تنظيم”القاعدة”
📌 بختهم ديل امورهم اتسهلت
ه
📰 الصيحة:
👈 مرور الخرطوم تغيّر مسارات الشوارع لفك الاختناقات
📌 ان شاءالله تجيب مريسة تام زين
ه
📰 النيل الدولية:
👈 مناوى: البرهان وحمدوك يدشنان حكومة الإقليم 10 أغسطس بالفاشر
📌 يعني الحنة يوم 9 أغسطس
ه
📰 النيل الدولية:
👈 اعتداء عناصر تتبع لقوى تجمع تحرير السودان على قسم شرطة بالفاشر
📌 الغالب منو؟
ه
📰 النيل الدولية:
👈 وزيرة الخارجية تحمل نظيرها الجزائري ردها على رسالة إثيوبيا
📌 هو المحظوظ دا لقاها وين ؟
ه
📰 النيل الدولية:
👈 ضبط شبكة تعمل في توزيع العملة الأجنبية المزيفة بالنيل الأبيض
📌 ممكن نعرف العملة المزيفة عملت فيها شنو؟
ه
📰 أخبار اليوم:
👈 الشرطة توقف أخطر تنظيم إجرامي مرتكزاً بشارع الستين لتفتيش السيارات.
📌 يعني الزمن دا كلو شغالين أوانطة ساكت ، يفتشوا في الناس وشابكنهم خارج نفسك يازول
ه
📰 أخبار اليوم:
👈 البرهان: ابواب السودان مفتوحة امام الاستثمارات الامريكية.
📌 الاستثمارات الامريكية عاوزة سيستم الخرمجة والدغمسة وناس حقي وين ديل ما بيَقَسِّمُوا معاهم
ه
📰 أخبار اليوم:
👈 الدفاع المدني: منسوب النيل الازرق يصل مرحلة الفيضان.
📌 طيب كلموا وزيرة الخارجية دي ، ماسكة الماسورة المصرية وشغالة تقول للناس منسوب النيل انخفض بسبب سد النهضة
ه
📰 السوداني:
👈 حاكم دارفور: بعض أحزاب (قحت) جلسوا على الكراسي وأجلسونا على (البنابر) وشعار “حرية سلام وعدالة” خرج من دار حركتنا
📌 طالما كرسي حكم إقليم دارفور كله عندك (بنبر) بعد دا الا يعينوك ملك مصر والسودان مكان الملك فاروق
ه
📰 السوداني:
👈 الدقير: قيام المؤتمر التنظيمي الأول للمؤتمر السوداني هو اعتراف بوجود مشكلة تنظيمية والحل لأي مشكلة…
📌 انا شخصيا بقيت عندي حساسية من كلمة مؤتمر دي
ه
📰 السوداني:
👈 كارثةٌ إنسانيّةٌ في منطقة (الفاو).. أهلها في العراء بلا مأوى يُعانون من انعدام المياه والدواء والأكل…
📌 اصبروا شويه لحدي ما الحكومة تنتهي من مشكلة تعيين الولاة والمجلس التشريعي
ه
📰 السوداني:
👈 المسؤولة الأمريكية “سامنتا باور”: الثورة السودانية ملهمة لشعوب العالم
📌 والله كان كدا شعوب العالم ذاتها ماسورة
ه
📰 السوداني:
👈 رئيس الوزراء يُهنئ “طيبة برس” ويؤكد أنه في مركب واحدة مع أهل الإعلام
📌 والله صاحبي محمد لطيف يستاهل لكن بي طريقتو دي بي يكتل له زول
ه
📰 السوداني:
👈 الجنيه السوداني يُواصل رحلة التحسُّن أمام سلة العملات الأجنبية في ختام تداولات السبت
📌 سبحان من يحيي العظام وهي رميم
ه
📰 السوداني:
👈 تجمُّع المهنيين يتمسّك بإقالة والي جنوب دارفور ويعلن التصعيد الثوري
📌 انتو الزول دا داعس لكم على شنو شامنو كدا ؟
ه
ه
📌ابووضاح 📌
https://www.facebook.com/dababies




مصدر الخبر موقع صحيفة الوطن الإلكترونية

اترك تعليق

%d مدونون معجبون بهذه: