📌 دبابيس من صحف الأربعاء 04 أغسطس 2021م – صحيفة الوطن الإلكترونية



ه
ه
⚠ *تنويه مهم* :
👈 لقد عودنا متابعي 📌 الدبابيس 📌 بأننا دائما نستخدم لغة تحترم شعور وأدب القارئ لذلك لن نتعرض لما جرى في تعيينات وزارة الخارجية بأي تعليق وذلك لأننا لا نمتلك ولا نستخدم من المفردات ما يمكننا من التعليق عليه….. وقع لكم؟؟؟…..
ه
ه
⚠ *من كلمة الفريق البرهان أمام جنود الدعم السريع * :
👈 جاء في الكلمة التي ألقاها الفريق عبد الفتاح البرهان أمام حشد من جنود الدعم السريع منذ يومين قوله: نحن الحارسين السودان ونحنا الحامين السودان .. ونحنا الحارسين (الناس ديل) ، والبلد كلها حارسنها (نحن ديل) ، ما في زول تاني بحرسها ولا زول تاني بصونها .. ولا في زول بحافظ عليها تاني (غيرنا نحنا) ، الكلام دا كل زول يختو في أضانو .. ونحن حا نظل متحدين ، نظل قويين رغم كيد كل زول .. أصلا ما حا نخلي فرقة لي أي زول يدخل بيناتنا .. وأي زول داير يدخل بينا نقول ليهو شوف ليك شغلة تانية…..
📌 طيب انت وكت خطابك كله الناس ديل ونحن ديل وزول تاني واي زول اشتكيت (الدوش) ليه ساعة قال نفس الزول ؟؟
ه
ه
⚠ *حجر :عناصر تنتسب زورا لقوى الكفاح تقف وراء الجرائم والتفلتات الأمنية* :
👈 صرح عضو اللجنة العليا للترتيبات الأمنية والقيادي في حركة العدل والمساواة العميد حامد حجر لـ(سودان لايت) قائلاً : الحركات المسلحة لم تسهم في حالة السيولة الأمنية وعناصر تنتسب زورا لقوى الكفاح تقف وراء الجرائم والتفلتات الأمنية…….
📌 يعني نحن نطلع من الناس اللابسين لبس الدعم السريع وشايلين كلاشات وخراطيش سودا وراكبين تاتشرات ونقع في وعناصر تنتسب زورا لقوى الكفاح ، دي بلد دي والا كيس حاوي….
ه
ه
⚠ *الكشف عن استيلاء منظمات وأشخاص على (352) مليون جنيه من أموال البترول* :
👈 الخرطوم : كوش نيوز…. حصلت مصادر مطلعة، على مستندات تكشف عن استيلاء المؤتمر الوطني – المحلول ومنظمات وأشخاص على 352 مليون جنيه من أموال البترول خلال عامين. وسحب المؤتمر الوطني- المحلول مبلغ 153 مليون جنيه من أموال منتجات البترول خلال الفترة من 13 فبراير م2017 إلى 10 أبريل 2019، وهو مبلغ يساوي 43% من مجمل الأموال المستولى عليها. وتنوع الاستيلاء، وفقًا للمستندات، على أموال البترول المتبقية من منظمات مثل منظمة نفير الخير التي سحبت 111 مليون جنيه خلال فترة العامين. وتتحدث المستندات بحسب صحيفة السوداني، عن سحب الهيئة الطوعية لنهضة السودان ومركز كونكشن للتدريب والتنمية والمنظمة السودانية لتدريب القادة والمركز القومي لتدريب الشباب والطلاب، على أموال بأرقام متفاوتة من أموال البترول……
📌 هسع المبلغ دا كان جابوهو في رغيف لتلاميذ الدمازين وعطبرة كانوا لي هسع قاعدين…..
ه
ه
📰 الوطن:
👈 مجلس الوزراء يصادق على ميثاق روما للإنضمام للجنائية الدولية
📌 دي قولة خير باقي العقد ثم السيرة لي لاهاي
ه
📰 الوطن:
👈 حملات تستهدف مستشفيات القطاع الخاص وتحير من إنهياره
📌 خلاص مستشفيات القطاع العام ماتت عاوزين يقبلوا على القطاع الخاص ؟
ه
📰 الوطن:
👈 واشنطن تدعم تكوين مفوضية للإنتخابات والإنتقال الديمقراطي
📌 يا إخواننا في الأول حقو يكون عندنا مفوضية تعد وتؤهل الناخب المواطن قبل الانتخابات
ه
📰 الوطن:
👈 الفريق صديق :مبارك الفاضل يحاول تسور المؤسسات
📌 متعوداااا دايمنننن
ه
📰 التيار:
👈 وزير المالية يوضح للتيار أسباب تكدس السيارات بالمواني
📌 السيارات فاتت مرحلة التكدس وهسع في مرحلة التكلب عديييل
ه
📰 التيار:
👈 عشرات الجثث تطفو على نهر ستيت
📌 أبو الزفت الجثث وصلت لحدي سيتيت ؟
ه
📰 الصيحة:
👈 التعايشي لـ”الصيحة”: ملف الترتيبات الأمنية يواجه تحديات
📌 بالمناسبة في فرق بين التحديات واللولوات واخد بالك انت؟
ه
📰 الصيحة:
👈 وزير الطاقة لـ”الصيحة”: قطوعات الكهرباء مستمرّة
📌 عليكم الله زول يرد عليهو عشان انا متوضي
ه
📰 الصيحة:
👈 الشيوعي: الوقت الحالي مناسب لإجراء تغيير في طاقم الحكومة
📌 يعني انتهت الأشهر الحرم والا شنو؟
ه
📰 الصيحة:
👈 المالية تلغي استثناء مدخلات الإنتاج والسلع المستوردة من الضرائب
📌 بيني وبينكم النقاطة الزول ما يقفلها
ه
📰 الحداثة:
👈 النائب العام يعتذر لـ”الحداثة” عن استدعاء رئيس ومدير التحرير
📌 ما بيناتنا يازول ، الله يقدركم على الناس ال ما قادرين تستدعوهم
ه
📰 الحداثة:
👈 مجلس الوزراء: ملف الشرق يجب حلّه “سياسيًا” عبر مركز حكومي واحد
📌 مركز حكومي في السودان والا برا؟
ه
📰 الحداثة:
👈 حسام حيدر: عمل المجلس لن يكون بمعزل عن الوسط الصحفي
📌 آدينا قاعدين أمَّا نشوف
ه
📰 الحراك السياسي:
👈 الخارجية تكشف حقيقة الوساطة الإسرائيلية في”سدّ النهضة”
📌 إسرائيل دي موجودة في أي حاجة شاء من شاء وأبى من أبى
ه
📰 الحراك السياسي:
👈 اختفاء ملفات ووثائق مشروع الجزيرة و313″سرايا” تتعرّض للسرقة
📌 دي ملفات تساوي تقلها دهب ، غايتو الزول الأخفاها يكون رطب
ه
📰 الحراك السياسي:
👈 مفوضية السلام لـ”الحراك السياسي”: المفاوضات مع الحلو”ساكنة”
📌 ساكنة وين ؟
ه
📰 الحراك السياسي:
👈 وزيرة العمل لـ”الحراك السياسي”: لم أعيّن أيّ شخصٍ تربطني به علاقة بالوزارة
📌 هو انتي اسمك منو؟ والله كان ما اتكلمتي ما كان في زول عارفك موجودة
ه
📰 النيل الدولية:
👈 حمدوك يبحث مع مستشارته لشؤون النوع الاجتماعي أولويات عملها
📌 (النوع الاجتماعي) دا بي يكون قوي
ه
📰 النيل الدولية:
👈 سامانتا تؤكد أهمية بناء شراكات بين السودان وامريكا
📌 شراكات ، كراكات ، كنجالات ما مهم ، المهم خلونا في بالكم
ه
📰 النيل الدولية:
👈 تشكيل لجنتين للترتيبات الامنية والسياسية بمسار المنطقتين
📌 ضروري ، طالما منطقتين لازم لجنتين
ه
📰 النيل الدولية:
👈 الري: منسوب النيل وصل مرحلة الفيضان
📌 من حظ ناس خالتي ، نحن نتكسر والموية تنحدر تروح لهم
ه
📰 النيل الدولية:
👈 تنفيذ إخلاء مقر الهلال الأحمر في أمدرمان بالقوة الجبرية
📌 دي بقايا من فيلم الكيزان ، مبروك لأبو كراع المشتري الجديد للمبني الذي منحته وزارة الصحة في حكومة نميري للهلال الأحمر
ه
📰 أخبار اليوم:
👈 توضيحات لاردول لما تردد عن فرض مبالغ علي شركات لاحتفال تنصيب مناوي.
📌 بكل اسف يا صديقي الموضوع سليم لكنك لم تكن موفقاً في تنفيذه بصورة صحيحة وانت عارف الناس واقفين على الهبار
ه
📰 أخبار اليوم:
👈 أمريكا تؤازر قيام قوات مسلحة موحدة ومهنية تحت امرة واحدة بالسودان.
📌 أيوااااا يعني البرهان قاصدكم انتو بكلامه دا
ه
📰 أخبار اليوم:
👈 تربية الخرطوم : تحدد غد الخميس موعداً لإعــلان نتيجة شهــادة الأســاس.
📌 بالتوفيق لابنائنا التلاميذ وربنا يجبر خاطرهم
ه
📰 أخبار اليوم:
👈 الولايات المتحدة توفر لقاحات «كوفيد 19» للسودان وتدعم مفوضية الانتخابات.
📌 شكرا ماما أمريكا
ه
📰 السوداني:
👈 قاضي محكمة الأبيض يحدد يوم الخميس القادم، موعداً للنطق بالحكم على عناصر من قوات الدعم السريع…
📌 الزول دا جادي؟
ه
📰 السوداني:
👈 مفوضية العون الإنساني تشرع في تجهيز المُعينات لمُقابلة فصل الخريف
📌 التجهيزات دي بي يعملها في نص المباراة والا قبل المباراة ؟
ه
📰 السوداني:
👈 وزارة الصحة: أدوية التخدير مُتوفِّرة بالإمدادات الطبية
📌 والله حقو توزعوها للناس خلوهم يتخدروا كان ينسوا الحاصل دا
ه
ه
📌ابووضاح 📌
https://www.facebook.com/dababies




مصدر الخبر موقع صحيفة الوطن الإلكترونية

اترك تعليق

%d مدونون معجبون بهذه: