دبابيس من صحف الخميس 19 أغسطس 2021م – صحيفة الوطن الإلكترونية



ه
ه
⚠ *ثمرات* :
👈 كتبنا بالأمس دبوس نتساءل فيه عن (برنامج ثمرات) وكتبناه من باب قول البلابل : (اللي بسأل ما بتوه) ولكن بدلا عن اغنية البلابل جاءنا صوت الراحل مصطفى سيد أحمد وهو يقول :(لا تنكئ الجرح القديم فانني ودعت ليلا مظلما وثقيلا) فقد انهالت علينا الرسائل والاتصالات الهاتفية من كل حدب وصوب ورغم اننا لم نقرأ الا (⅒) الرسائل لكن تبين لنا مما قرأناه وسمعناه ما لم نكن نسأل عنه ولا دار بخلدنا ، لذلك أبشر من راسلنا ومن اتصل بأننا (سنحك) الموضوع لحدي ما يجيب الدم وليس لدينا ما نخسره ولا ما نخاف عليه ولا ما نخاف منه ولمن أراد أن يحك معنا نقول الحك يبدأ من صفحة البنك الدولي (https://www.worldbank.org) ورقم المشروع (P176154) وآخر تحديث له بتاريخ 23 فبراير 2021 ، فقد دخلت على الصفحة وأنا أردد قول الراحل المادح الجيلي الصافي رحمه الله : (أنا جيتك جاري بشوق ومحبة ودمعاً جاري) فوجدتني أخرج منها وأنا أردد قول الكاشف رحمه الله : (ظلموني الناس وجاروا علي)….
📌 (باختصار) كل من تقول عليه موسى يطلع فرعون……وراجع لكم….
ه
ه
⚠ *سؤال*:
👈 يا ربي يكون قاصد شنو؟
سفيرنا في دولة خليجية في يناير 2020 جلط جلطة كبيرة ربنا مرقنا ومرقه منها وتم دغمستها….
تاني بعدها بي شوية جلط له جلطة في موضوع الجوازات خلت ناس الجالية كلهم يعيطوا وتم دغمسة الموضوع وعدت على خير بالنسبة له…..
بدل يمسك خشمه وياكل بسبوسته التي تجهزها له (هناية ديك) تاااااني جلط له جلطة أكبر من سابقتيها…….
ه
ه
⚠ *وزير الداخلية يترأس اجتماع تسهيل إجراءات إستخراج الجواز*:
الخرطوم: النورس نيوز…. ترأس الفريق أول شرطة حقوقى عزالدين الشيخ علي منصور وزير الداخلية اليوم، إجتماع تسهيل و إستخراج الجواز للمواطنين بحضور الفريق شرطة حقوقي الصادق على إبراهيم نائب المدير العام المفتش العام، والفريق شرطة حقوقي شرف الدين بشير رئيس هيئة الجوازات والسجل المدنى ومدراء الإدارات العامة والمتخصصة بالهيئة وممثلي شركة كوشايت .
ووقف الإجتماع على الجهود المبذولة لاستخراج الجواز والبطاقة القومية للمواطنين بتسهيل كافة العقبات التى تعترض سير العمل.
📌 ولأن الشي بالشي يذكر وطالما جبتوا سيرة (شركة كوشايت) نحب نسأل عن الشكوى (ن ع/م ح/2019) التي تقدم بها احد المحامين في ديسمبر2019م امام نيابة مكافحة الثراء الحرام والمشبوه ضد شركة (كوشايت) والتي افاد فيها المحامى بان الشركة المذكورة بصفتها شركة خاصة تعمل على استيراد الاجهزة الالكترونية وملحقاتها لصالح شرطة السودان ولها أكثر من (100) اتفاقية وعقود مع الشرطة واضاف المحامى فى شكواه بان الشركة تمول حزب (المؤتمر الوطنى) وداعمة لبعض الشخصيات الكيزانية بالحزب حسبما جاء بالعريضة، علما بأن وكيل اعلى النيابة امر بتصريح العريضة وتقييد شكوى تحت المادة 5 (ب) من قانون مكافحة الثراء الحرام على ان توضع امام مولانا زاهر للتحقيق فيها ، وتاني يطرشنا كان سمعنا عنها شي……
ه
ه
📰 الوطن:
👈 المالية تتسلم اكثر من “100” كيلو ذهب مهرب.
📌 يجيك وزير المعادن يقول لك الشرطة والجمارك عاوزين يعملوا فيها أبطال
ه
📰 الوطن:
👈 حمدوك يقيل والي القضارف .
📌 مسكين كان عاوز يعمل فيها احمد بلال بتاع الانتقالية
ه
📰 الوطن:
👈 إسرائيل إتفاق سلام كامل متوقع مع السودان.
📌 ياخ هسع خدوري ما قادر يرفع راسو سلام شنو
ه
📰 الوطن:
👈 والي القضارف المقال يجمد عضويته في التجمع الإتحادي.
📌 حركات حزب الامة دي شنو كمان
ه
📰 الصيحة:
👈 البرهان: القوات المسلّحة ستظلّ حامية للشعب وراعية لمصالحه
📌 أول في زول قال لك شغالة تبيع قونقليز
ه
📰 الصيحة:
👈 حمزة بلول: قوانين الإعلام الجديدة ليست حكومية
📌 ما تقول لي سوق موازي
ه
📰 الصيحة:
👈 النائب العام يتعهّد برفع حصانات المتهمين في بلاغات الشهداء
📌 التعهد دا يعني أن هنالك احتمالية عدم رفع الحصانة
ه
📰 الصيحة:
👈 مقتل 7 أشخاص في اشتباكات بـ”الروصيرص”
📌 بالرصيرص والا بالرصاص
ه
📰 الصيحة:
👈 إحالة وشيكة لبلاغ علي عثمان وهارون إلى المحكمة
📌 فترنا من البلاغات الآخرها روضة وحضانة و KG2 دي
ه
📰 اليوم التالي:
👈 لجنة لمراجعة رسوم جوازات المغتربين
📌 ما حالبين كويس والا شنو؟
ه
📰 اليوم التالي:
👈 إبعاد محمد جلال هاشم من وفد الحركة الشعبية المفاوض
📌 من فرط عدم قبولنا للآخر ما باقي لينا الا الواحد يبعد نفسه عن نفسه
ه
📰 اليوم التالي:
👈 السماح بدخول القادمين من الهند
📌 فرجت الحمدلله والموت والحياة من الله
ه
📰 الحراك السياسي:
👈 مصادرة سيارات”بوكو” تتبع لحركات كفاح مسلّح
📌 يعني نقدر نسميها بوكو كفاح ؟
ه
📰 الحراك السياسي:
👈 الصحة: الخرطوم خالية من أيّ وباء منذ 7 أشهر
📌 يقعد يعمل شنو؟ انتو قايلين الوباء مجنون ، الوباء دا عنده مصالح ما فاضي يقعد مع ناس مابتقدر
ه
📰 الحراك السياسي:
👈 تلاعب في أرقام جثث بالمشارح وراء استقالات 5 أطباء شرعيين
📌 البلد دي صبأت عن دين آبائها والا شنو ؟ مافي حاجة شرعية عاوزة تركب معاها
ه
📰 الحراك السياسي:
👈 عطل يتسبّب في انقطاع الكهرباء بالبحر الأحمر
📌 غلطان العطل
ه
📰 الحراك السياسي:
👈 الأزهر: طالبان ليست ممثلاً للإسلام
📌 أكلوا منتجاتكم المصننه دي وانتو ساكتين
ه
📰 النيل الدولية:
👈 أردوغان يؤكد استعداد بلاده لحل النزاع بين السودان وإثيوبيا.
📌 كدي في الأول جيب لنا قروشنا من عبدالحي كان اصلك فيك فايدة
ه
📰 النيل الدولية:
👈 حمدوك إلى جوبا اليوم في محاولة لوقف اشتباكات دامية.
📌 بالتوفيق
ه
📰 النيل الدولية:
👈 السودان يسمح بدخول جميع الركاب القادمين من الخارج.
📌 تنقد الرهيفة ان شاءالله ما تتلتق
ه
📰 النيل الدولية:
👈 عضو لجنة المقبولين بالخارجية: مراحل الامتحانات تمت بشفافية تامة.
📌 شفافية الأورطية شفافية الحالابونا
ه
📰 السودانيٰ:
👈 رئيس الوزراء: التعيينات في الخدمة المدنية يجب ربطها بتحقيق أهداف الثورة .
📌 أهداف الثورة قنعنا منها والحلال والحرام قنعنا منهن ، بس خلوها تكون باخلاق رجال
ه
📰 السودانيٰ:
👈 السجن والغرامة لشرطي بالجمارك في قضية تهريب ذهب عبر المطار .
📌 عيب تربية وغرس كيزاني مستمر في النمو
ه
📰 السودانيٰ:
👈 (السُّوداني) تكشف تفاصيل انفجار شاحنة مُحمّلة بمواد كيميائية بمعبر أرقين الحدودي.
📌 ان شاءالله تكون قفلت المعبر
ه
📰 السودانيٰ:
👈 التربية والتعليم تعلن (6) موجهات لضبط وتقنين العام الدراسي الجديد بالخرطوم .
📌 هسع يجيك واحد يقول لو ما حكومة علمانية ومنحلين ليه اختاروا الرقم (6) ما اختاروا (5) والا (7) ليه؟
ه
ه
ه
📌ابووضاح 📌
https://www.facebook.com/dababies




مصدر الخبر موقع صحيفة الوطن الإلكترونية

اترك تعليق

%d مدونون معجبون بهذه: