بابكر سلك يكتب: شكوى جنح الليل


*الشكوى للنيابة الناس بتعرفها حتى ولو كان الشاكي خشمو ماخفيف وقطم بيها.
*الشكوى من الأسعار مادايرة ليها دس.
*الشكوى من قطوعات الكهربا عمت القرى والحضر.
*شكوى المرة من راجلها جاراتها بعرفنها.
*كل الشكاوي الناس بتعرفها.
*ولو كانت شكوى بمظروف سري للسيد رئيس الوزراء .
*الشكوى الوحيدة المابعرفها الناس.
*شكوى العبد لله سبحانه وتعالى في جنح الليل .
*أها
*زول سمع بشكوى الهلال لتوتي مافي.
*بس سمعنا بنتيجتها.
*أظنها كانت شكوى في جنح الليل.
*الشكوى لطوب الأرض الناس بتعرفها.
*لكن شكوى الهلال كانت سكتم بكتم.
*أظنها كانت على طريقة أقضوا حوائجكم بالكتمان.
*كوتيمي ياعمك.
*المهم أن الحوائج إنقضت بالكتمان.
*كلو منك ياتيري.
*ده حالتو تيري في مصر.
*لو كان هنا أظنهم كانوا حكموا على توتي بالإعدام .
*وطلعوا توتي خسران أتنين صفر.
*ياربي مايكون القونين سجلوهم في رصيد الغربال؟.
*جائز .
*الموت زاتو جائز .
*المهم .
*قول يوم كورة الأكسبريس غرزة قعد في الكنبة .
*هل من حق (الكاف) منعه؟.
*قول المريخ ده في كلو كورة إفريقية جاب مدرب .
*(الكاف) عندو دخل؟.
*في حاجات كده ماعارف ليه يعني.
*المهم.
*خسارتنا لهذا الدوري أن حدثت.
*أسبابها هي التفريط في نقاط ساهلة جداً.
*وإدخال الصراع الإداري في الملعب.
*مافي نقطة خسرناها كان مفروض نخسرها.
*حتى إنتصارنا على الزبون بهدفين في الدورة الأولى.
*كان شوية بواقع الفرص التي أهدرها رماتنا .
*وضربات الجزاء التي صهين عنها الحكم في ذلك اللقاء.
*أسد عليّ.
*أقصد.
*علي أسد .
*رأيو شنو في شكوى المريخ المرفوضة شكلاً وموضوعاً؟.
*المهم .
*بالأمس كانت تجربة منتخبنا بالإمارات.
*طبعاً النتيجة لاتهم الجهاز الفني.
*بقدرما يهمه الإنضباط التكتيكي والآداء وفقاً للموجهات.
*عشان كده حقو مانبطر بنصر فيها.
*ولانكفر بخسارة.
*والخسارة في مثل هيك مباريات ليست بالمحزنة.
*أكيد الجهاز الفني وقف على الحتات البتحتاج مراجعة.
*وحقو الجهاز الفني يشتغل ليلاً زي شكوى الهلال لتوتي.
*لكن توتي بالغت.
*أيها الناس.
*إن تنصروا الله ينصركم.
*أها .
*نجي لي شمارات والي الخرتوم.
*قالوا لينا يا والينا.
*في كابول بعد إنقلاب طالبانا لينا.
*عمت الفوضى وتسعة طويلة الأفغانية دورت فينا.
*قال ليك أبان دقون ديل علقوا تسعتين طويلات في كيبولات بكابول يا والينا.
*بالله قال ليك من اليوم داك تلفونك يقع زول يدنقر عليهو مافي.
سلك كهربا
ننساك كيف والكلب قال بتسعة طويلة دي ماتستغرب لو الشعب طالب بطالبان تااااااني .
وإلى لقاء.
سلك

صحيفة الانتباهة



مصدر الخبر موقع النيلين

أضف تعليق