Skip to Content
‏اخبار
السودان
الان
من
كل
المصادر‏
 بابكر سلك يكتب: مابين حمدوك وهيثم مصطفى
صحيفة الانتباهة اخبار السودان / نوفمبر 28, 2021


*غادرت بعثة منتخب الثوار للمشاركة في (مونديال) العرب بدوحة الروعة.

*بالتأكيد أمنياتنا أن يذهب المنتخب بعيداً في سلم التنافس.

*وحتى لاتكون أحلامنا أحلام زلوط .

*لن نحلم بالتتويج.

*ليس لعدم الثقة في أنفسنا.

*ولكن لثقتنا بالمنطق والمعطيات

*بالتأكيد لو قصدنا البطولة مستقبلاً

*وعملنا لها بمنهجية واستراتيجية.

*وبحب لكل المكون.

*بالتأكيد سنأتي بها منقادة تجرجر أذيالها.

*منتخبنا الحالي يكاد يكون أكثر منتخب وجد إهتمام واستقرار فني.

*لذا يمكنه أن يؤدي بحرفية وإحترافية تمسح الصورة المهزوزة للاعب السوداني الذي ينهار في دقائق معدودة وينهزم بمازيمبية وسداسية.

*ثقافة التركيز في البدايات والنهايات كنا نفتقدها .

*الآن نتمتع ببعضها.

*على كل.

*نتمنى التوفيق للمنتخب.

*ونوصيه بالآداء الجميل.

*ونوصي البعثة بالأخلاق التي تشرف السودان وتشبه الثورة.

*ونوصي جمهور الرياضة السوداني.

*بالوقوف من جوه قلبو مع المنتخب.

*بصرف النظر عن التشكيلة فيها منو.

*والجاب القون منو.

*القصة سودان.

*ولما تكون القصة سودان.

*ببقى العلم عنوان.

*ولما يبقى العلم عنوان.

*لازم تذوب كل الألوان.

*ليبقى علم الوطن عالياً خفاقاً. مشرقاً مشرفاً بين رايات الأوطان.

*المهم.

*مجلس حازم حديث العهد.

*بصرف النظر عن كونه المجلس الرست عليهو الرصة أو المهدد بقرار من كاس.

*هو المجلس الفعلي الآن.

*لسة أعضائه ماقعدوا على كراسيهم كويس.

*إندلعت نيران النقد الإعلامي.

*ونيران النقد الهلامي بـ(الميديا).

*وأضحت الشائعات تطل بوجهها القبيح بين الفينة وأختها.

*تطارد الاستقرار.

*وتضايق الأعضاء وتضغطهم.

*حتى صرح حازم بعدم قدرته على العمل تحت الضغط.

*لماذا يحدث كل ذلك؟.

*يحدث ذلك في المريخ فقط.

*لأن المريخ إعتاد أن يتدخل في شأن مجلسه مشجعون.

*بالتأكيد يهابهم الإداري غير الواثق من نفسه .

*ويحتويهم ظاهراً.

*ولكن في الحقيقة هم الذين يحتوه.

*معظمهم أصحاب مصالح شخصية .

*لايملكون فكراً يقدموه للنادي ولاخبرات ولا مال.

*برغم كل ذلك يسيطرون على المشهد.

*ويزعجون الهدوء

*ويجهجهون الاستقرار

*يقومون بكل ذلك

*لان الاداري الهش لايستطع حسمهم

*ولكم ان تتخيلوا

*ان من اشد انصار الوالي مؤخرا

*كانوا يرسلون الرسائل المشينة للوالي من شرائح غير مسجلة

*ولكن ذكاء جمال وفطنته اشارا عليه بالذي حولهم اليه

*ايها الناس

*جيوش المرتزقة لاتقاتل بغبينة ولا لقضية ولا استنادا علي مبدأ

*ولكنها تقاتل لمال

*لذا ممكن تلقي المرتزقة الليلة شايت كدة وبكرة شايت كدة

*القصة دي دايرة عودة بالتفصيل وبدون تضليل

*خلاص فترنا

*المهم

*هيثم مصطفي سيدا

*زول موهوب شديد

*ولكنه احتاج لسبعطاشر سنة حتي اتأهل من ثانوية الهلال لجامعة المريخ

*هلالابي داير يموت لمن هيثم دخل الجامعة

*لاقيتو بعد توقيع برهان وحمدوك

*قال لي حمدوك زي هيثم مصطفي

*الهلالاب معتصمين وطالعين الكشافات دايرين يقعوا منها وانتحروا عشان خاطر هيثم

*هيثم طلع ووقع للمريخ

*حمدوك عمل زي هيثم

*قلت ليهو غلط حمدوك شنو؟

*قال لي توقيعو مع العسكر

*قلت ليهو قول ماوقع الحاكمية لشنو؟

*قال لي للوثيقة الدستورية

*قلت ليهو واطراف التوقيع علي الوثيقة الدستورية منو و منو؟

*قال لي العسكر

*قلت ليهو العسكر ومنو؟

*قال لي العسكر والحرية والتغيير

*قلت ليهو لو التوقيع مع العسكر هو الاشكالية

*هيثم مصطفي في البلد دي كتاااااااار.

*خالتي حرية وتغيير.

*أمس الكهربا قطعت.

*قالت لي خلاس حمدوك جانا لي قطع الكهربا ؟.

*قلت ليها الله يستر على البنزين والجاز والدقيق والغاز.

*البلد دي توقع يقولوا توقيعك غلط و(السيستم) يرفضك.

*ماتوقع وتلعب يشتكوا فيك وتيمك يخسر التلاتة نقاط.

*أيها الناس.

*إن تنصروا الله ينصركم.

*والينا المكلف لينا .

*ياحليلك يا أخينا.

سلك كهربا

ننساك كيف والكلب قال لو داير الأمان في البلد دي على شيك ماتوقع يامان.

وإلى لقاء.

سلك

اضغط هنا للانضمام لمجموعات الانتباهة على تطبيق واتساب





مصدر الخبر موقع الانتباهه

Comments
No comments yet, take the initiative.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

‏اخبار السودان الان من كل المصادر‏ © 2022