Skip to Content
‏اخبار
السودان
الان
من
كل
المصادر‏
 بابكر سلك يكتب: النظرة الشرعية
صحيفة الانتباهة اخبار السودان / ديسمبر 27, 2021


*ماعارف تلفزيون الخرطوم سقطت منه سهواً أم قصداً.

*فلقد كانت تزين شاشته عبارة.

*قناة الثورة.

*من أكتوبر الفات ماشفناها.

*فهل هو سقوط أم سقوط؟.

*ياناس تلفزيون الخرطوم.

*لو لقيتوا عبارة قناة الثورة(ساقطة) جوه مبانيكم أرفعوها مجدداً بالله عليكم .

*فقد تكون هي السبب في مداعبة الأنامل للريموت نحو قناتكم التي سقط منها ذلك الشعار.

*ولو لقيتوها واقعة بره مبانيكم.

*نبقى عرفنا منو الاسقطها.

*ستحدثنا عرباتهم التي تغلق بواباتكم.

*المهم سقطت عبارة ولم تسقط ثورة ولكن سقطت أسماء وأسماء.

*سامعني يابسام؟.

*أيها الناس.

*من بداية الثورة دي بنسمع بإذابة الدعم السريع في القوات المسلحة .

*وماحصل.

*ولا قرب يحصل.

*قد يكون الأمر صعباً.

*وقد يكون مرهقاً.

*وقد يصل لدرجة المستحيل.

*ولكنه ضروري لضمان جيش واحد بالدولة.

*فأن كان صعباً أو مستحيلاً.

*شوفوا الساهل وذوبوا ديل في ديك ونفضها سيرة.

*المهم يكون في جيش واحد في البلد.

*المهم.

*شفت لي (فيديو) لتاتشر بدهس في ثوار بكبري المك نمر.

*لكن يتخيل لي التاتشر ملاكي.

*مدجج لكنه ملاكي.

*ففي ظل ستين نوع كاكي.

*عادي ممكن يلاقيك تاتشر مدجج ملاكي .

*وصاروخ ملاكي.

*ودبابة لوحاتها ملاكي .

*عادي جداً.

*المهم.

*كورونا الله لاجاب عقابها.

*جهجهت العالم كلو.

*الناس بالكمامات مابتعرفوا.

*ياخ الكمامة حرمتنا حتى النظرة الشرعية .

*والغريبة الناس البلبسوا الكمامات السوداء .

*تلقاهم مجموعة .

*من بعيد تشوفهم واقفين مع بعض قداديمهن سود.

*كلاب بس.

*الله يجازي الكورونا .

*ونحنا بالذات زادت علينا الدغوتات شديد.

*إجازات.

*ياكورونا.

*ياموكب.

*يا إسرائيل.

*يا عذرائيل.

*والتاتشر ملاكي.

*أيها الناس.

*تجاوز الشارع وعياً كل الأحزاب وجميع السياسيين وجل العسكر.

*وفاتهم مسافة .

*نسأل الله أن يرتقي بوعي أحزابنا وسياسيينا وعساكرنا لمصاف وعي الشارع.

*والثورة مستمرة والسادن يطلع برة.

*المهم .

*وصلتني دعوة كريمة من الحبيب مرتضى بتري تتعلق بخارطة طريق الجماهير الحمراء .

*الموضوع هام.

*ومن قدم الدعوة من أحب أهل المريخ إلى نفسي.

*فقط أجبرني على الغياب نهارية التوقيت .

*فنحن بالنهار زي الشية في قندهار.

*مابتبرد.

*بالتوفيق الأخ بتري.

*ولا تنسى أني أطلقت عليك مهدي الفكي الجديد منذ سنوات.

*ولسة عند كلمتي.

*أيها الناس.

*بمناسبة مهدي الفكي.

*في هذه الأيام أقوم بالكتابة عن أبو العائلة وعبدالحميد حجوج.

*توثيقاً للرجلين .

*وبالذات هناك الكثير المثير عن الرجلين.

*وأنا شاهد على العصر من داخل الاستاد منذ الصبا.

*أيها الناس.

*إن تنصروا الله ينصركم.

*أها .

*نجيء لي شمارات والي الخرتوم.

*والينا المكلف علينا.

*عندي تاتشر ملاكي بي دوشكا.

*بترخص خرطوم وإلا إلا ولايات يا والينا؟.

سلك كهربا

ننساك كيف والكلب قال لو خفتوا الله ما تخافوا من النت.

وإلى لقاء .

سلك

اضغط هنا للانضمام لمجموعات الانتباهة على تطبيق واتساب





مصدر الخبر موقع الانتباهه

Comments
No comments yet, take the initiative.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

‏اخبار السودان الان من كل المصادر‏ © 2022