السودان: بالفيديو .. تصريحات نارية لحميدتي

الانتباهة اون لاين موقع اخباري شامل

الخرطوم: الانتباهة أون لاين
صوب نائب رئيس مجلس السيادة القائد العام لقوات الدعم السريع الفريق أول محمد حمدان دقلو حميدتي سهام النقد لأداء حكومة الثورة. وقال في مناسبة اجتماعية بمنطقة ود البخيت يوم الجمعة: (صحيح فشلنا كتير جداً، البلد دي بالطريقة دي ما بتمشي، لازم الناس تخت النقاط في الحروف، لازم الناس تتفق على رؤية تجمع كل الناس، الاقصاء ما بودي بلد لي قدام، التمكين يبدلوه بي تمكين، الجماعة ديل كانوا بمكنوا، ديل جو أشد منهم في التمكين). وأضاف حميدتي: (لازم الحكاية دي تكون للشعب السوداني كلو .. السودان دا ما شهادة بحث بإسم زول، عشان يتصرف في الناس يوديهم يمين وشمال، لأنو كل زول عندو فيها شهادة بحث وكل زول عندو حاكورة وكل زول عندو فيها بيت وشبر وعندو حق زي ما الآخرين عندهم حقوق).


 

وقال حميدتي: (الآن من بداية التغيير ظهروا ناس معينة هم اتسيدوا على الناس وبقى أي حاجة حقتهم هم، لكن نحن إن شاء الله الدور دا لازم نخت يدنا في بعض ما تحملونا المسؤولية برانا، اتحملوا المسؤولية كلكم مع بعض والمسؤولية مسؤولية جماعية ويجب أن يعرف الشباب قضيتهم). وقال حميدتي: (مشكلتنا الجابت لينا البلاوي وجابت لينا الشيطنة لأننا قلنا كلمة الحق بأننا لن نسمح بالفوضى وقلنا لازم الشباب العملوا التغيير يجونا، ولكن جاء ناس آخرين، ولكن لا نظلم الحرية والتغيير كلها صحيح فيهم ناس وطنيين وناس كويسين وخلال 16 شهر الكيمان اتفرقت، والسيئ الذي يريد تدمير البلد صار معروفاً، والداير يودي البلد دي لي قدام معروف. عشان كدا نحنا برانا ما بنقدر نعمل شي ولازم نخت يدنا في يدين بعض نتفق على رؤية واحدة .. مافي زول مفوض .. الاربعين مليون سوداني ما فوضو أي زول لا فوضو البرهان لا فوضو حميدتي لا فوضو الحرية والتغيير وكل الناس دي متسلطة). وأضاف حميدتي: (ليس لدينا مشكلة موارد لكن عندنا مشكلة بشر حاقد لي روحو ولدينا مشكلة سياسيات تدمر في البلد). وقال دقلو: (انقلاب في البلد دي مافي، لافي جيش بعمل انقلاب، لا دعم سريع بعمل انقلاب، لا شرطة بتعمل انقلاب، لا في أمن بعمل انقلاب، لكن تاني ما حنجامل أي زول حنقول الحقائق في التلفزيون، لازم كلنا نمشي مع بعض ومافي إقصاء لأي زول، الفاسد ياهو داك السجن، الفاسد أفتح ليهو بلاغ). وقال حميدتي: (الآن الحكاية بايظة والشعب صبر لكن بنقول ليهو لسه أصبر ولكن لازم تفتح خشمك تتكلم، الشعب دا ما ممكن يكون ساكت كدا ومدنقر والحكاية ماشة زي دا ويقول رأيو واضح، زي ما قبيل شال عمر البشير دا، لكن يا جماعة نحنا ما دايرين مظاهرات .. دايرين شغل، ما ممكن ياشباب تقوموا تحرقوا اللساتك، الدخاخين، تلوثوا البلد.. هي البلد ملوثة غيركم مفروض انتو تنضفوا التغيير ماكدا التغيير بالنضافة نحن عايزنكم شباب واعين وشباب راقين).

The post السودان: بالفيديو .. تصريحات نارية لحميدتي appeared first on الانتباهة أون لاين.

شاهد أيضاً

السودان: صلاح إدريس يكتب: الرحمة المهداة

مرت آلاف السنوات على رحيلك الجسدي وبقي نورك السرمدي يضئ الدنيا في …

السودان: بالصور .. عرض أزياء في قلب الخرطوم يشعل الأسافير

الخرطوم منى رضوانبحضور عدد من نجوم المجتمع نظمت (نيرمين قرقفي) بفندق السلام …

السودان: الخارجية تدين هجوم المليشيات الحوثية على السعودية

الخارجية الخرطوم: الانتباهة أون لاينأصدرت وزارة الخارجية بياناً صحفياً ادانت فيه الهجمات …

اترك تعليق