Skip to Content
‏اخبار
السودان
الان
من
كل
المصادر‏
السودان: بابكر سلك يكتب: مجموعة أسئلة بريئة
صحيفة الانتباهة اخبار السودان / سبتمبر 30, 2020




] هل المريخ نادي كورة قدم فقط؟؟؟
] ام أنه نادي لمناشط رياضية اخرى؟؟؟
] هل النظام الاساسي لاتحاد كرة القدم السوداني يجب عليه الالتزام بنظام الفيفا؟؟؟
] وهل نظام الفيفا ملتزم بميثاق اللجنة الاولمبية الدولية؟؟؟
] وهل لجنتنا الاولمبية فعلت نظامها المتماشي مع ميثاق اللجنة الاولمبية الدولية؟؟؟
] وهل اتحاداتنا المنضوية داخل لجنتنا الاولمبية قد فعّلت انظمتها الاساسية التي توافق الميثاق الاولمبي الدولي؟
] إن كانت الاجابة بلا
] طب لييييه؟
] هل لاتحاد كرة القدم السوداني الحق في التدخل في الجمعيات العمومية للاندية تبعو؟؟؟؟
] وهل لو قامت جمعية التالت من اكتوبر يكون للاتحاد الحق في مجرد التعليق عليها؟
] وبما اننا ما F C
] هل يجوز مثلاً لاعضاء الجمعية العمومية هواة السلة ان يجيزوا محضر الاجتماع السابق ويكونوا اللجان العدلية؟؟؟
] في الحالة دي اتحاد كرة القدم عندو حق رفض نظام اساسي سبق تقديمه له كاجراء ووافق عليه وانتظر اجازته من الجمعية ؟؟؟
] وهل عندو حق الرفض طالما امتثل المريخ للمطلوبات وقدم طلباً للاتحاد للانضمام لعائلة الاتحاد السوداني حسب الاجراءات؟؟؟؟
] وهل نحنا عارفين انو الطلب ده تم تقديمه في عهد لجنة التسيير الفاتت؟؟؟؟
] وهل الاتحاد خايف علي صحتنا للدرجة دي من كورونا؟
] وهل استأذن اهل الخرطوم كورونا لما عملوا جمعيتهم؟؟؟
] وهل اسئلتنا دي ما بريئة زي صوت طفلة وسط الزحمة منسية؟؟؟
] وهل في حال اجازة النظام الاساسي ٢٠١٩ ما بتكون في امكانية تعديلو او تبديلو في عهد مجالس قادمة؟؟؟
] طب العكلتة في شنو يا ناس؟؟؟؟؟؟
] المهم
] اجمل مافي مجتمع المريخ
] انو اي اتنين بتناقشو
] تلقاهم بتكلمو عن النظام الاساسي وعن القوانين وعن اللوائح
] احب الديمقراطية
] ويا حليل زمن الوزير والمفوض والولاية وامانة الشباب وطارق حمزة
] تفتكروا الزمن ده برجع؟؟؟
] طبعاً ده كان آخر الاسئلة البريئة
] المهم
] قليل من الرقابة
] وتفعيل للجان المقاومة والفصل بينها وبين اللجان التي تشبهها من حيث الاختصاص
] ومواطن متمسك بحقوقه وبالذات التسعيرة
] وحبة ضمير
] وخوف الله في العباد
] صدقوني الرخا محمدنا
] ايها الناس
] ان تنصروا الله ينصركم
] اها
] نجي لي شمارات والي الخرتوم
] كان شفت يا والينا
] مافي شي مضيع حقوقنا علينا
] غير النوع البقبل باي وضع يتفرض علينا
] حافلة بي عشرة يقول الكمساري بخمسينا
] والناس تجري وتتهافت عليها يا والينا
] واذا واحد اتمسك بحقو في التعريفة
] الركاب يقولوا ليهو ما تأخرنا يا تدفع يا تنزل يا اخينا
سلك كهربا
ننساك كيف والكلب قال لما الغاز يكون معدوم ويتوفر بمليون دي ما ألغاز ذاتها
والى لقاء
سلك

اضغط هنا للانضمام لمجموعات الانتباهة على تطبيق واتساب




Comments
No comments yet, take the initiative.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

‏اخبار السودان الان من كل المصادر‏ © 2022