📌 دبابيس من صحف الأحد 18 اكتوبر 2020م – صحيفة الوطن الإلكترونية



ه
ه
سؤال:
👈 ليه الناس في دول الغرب يعتبروا المتجنس مواطن كامل الدسم ونحن دايما ننعت الزول باسم بلد جد جد جده ونفتش هو اصلو من وين….
ه
ه
بن سودة كراعها خضراء:
👈 مصادر حكومية وأخرى بقوى الحرية والتغيير: الإدارة الأمريكية أبلغت السودان بصدور قرار مرتقب برفع اسمه من القائمة، لأن الإجراءات الرسمية لشطب اسم البلاد قد اكتملت………..
📌 لو صح الخبر تكون بن سودة كراعها خضراء علينا ولذلك نديها العاوزاهو وفوقه كوزين تلاتة من النوع ابو كرش وسنكيت………
ه
ه
صمت دهرا ثم طالب بحل الحكومة الانتقالية:
👈 دعا الاتحاد السوداني للعلماء والائمة والدعاة بالسودان إلى حل الحكومة الحالية، وتشكيل حكومة كفاءات وطنية غير حزبية وغير خاضعة للمحاصصات الحزبية والمزايدات السياسية للخروج بالبلاد من النفق المظلم .
ولوضع رؤية شاملة للاصلاح ومعالجة الازمة الاقتصادية الخانقة وفض النزاعات القبلية، والمصالحة الوطنية، وتحقيق السلام، والتحقيق في جريمة فض الاعتصام وتقديم المتورطين إلى محاكمة عادلة.
كما دعا إلى تشكيل لجنة وطنية لتهيئة الاجواء لقيام انتخابات حرة نزيهة. وفق البيان…….
📌 بس ما عرفناهم موافقين على مجلس السيادة بشقيه المدني والعسكري والا نحلو برضو والا نحل واحد ونخلي العسكري أقصد نحل واحد ونخلي واحد….
ه
ه
📰 الوطن:
👈 مطالبة بإقالة وزير الثروة الحيوانية بسبب تصدير إناث الإبل
📌 طولوا بالكم الحكومة دي كلها ضنبها بقى خيط بس
ه
📰 الوطن:
👈 الحكومة :لاتوجد قاعدة بيانات حقيقية لنسبة الفقر
📌 الحكومة دي عبيطة بيانات شنو هو الفقر قاعدته التي ينطلق منها هي السودان
ه
📰 الوطن:
👈 التجاني سيسي :الحكومة الانتقالية وصلت لطريق مسدود وهؤلاء يلعبون بالنار
📌 زمان سلطة دارفور طريقها مسدود كم سنة وانت قاعد فيها يادوبك بقيت تعرف الطريق المسدود
ه
📰 الوطن:
👈 تجمع المهنيين يفتح النار على السيادي ومجلس الوزراء
📌 كنتوا وين لما نطوا فيها ؟
ه
📰 الوطن:
👈 غرق سفينة أثرية بالنيل الأزرق
📌 المتعوس متعوس
ه
📰 السوداني الدولية:
👈 الحزب الشيوعي يوجه اتهامات لبعض حلفائه بقوى الحرية والتغيير
📌 الفخار قام يكسر في بعضه
ه
📰 السوداني الدولية:
👈 مدعية المحكمة الجنائية تبحث بالخرطوم تسليم البشير للاهاي
📌 أبسط يا عم ، حا ترطب
ه
📰 السوداني الدولية:
👈 بلاغ ضد مصور وداد بابكر في نيابة إزالة التمكين
📌 اللهم طولك يا روووووح
ه
📰 آخر لحظة:
👈 مطالبات بإقالة وزير وإحالته إلى نيابة الفساد
📌 أممممك كوز قحاتي
ه
📰 آخر لحظة:
👈 عصيان في كسلا والبني عامر تهدد الحكومة
📌 البني عامر عاوزين يحافظوا على الصوت العالي خايفين لو خفضوا الصوت القضية تتدغمس
ه
📰 آخر لحظة:
👈 سيسي: تنامي خطاب الكراهية والبلاد في مفترق طرق
📌 هو فات مرحلة تنامي وأصبح ثقافة سايدة
ه
📰 آخر لحظة:
👈 قرارات صارمة ضد المتظاهرين بغرب كردفان
📌 خايفينها تنبهل زي كسلا ؟
ه
📰 آخر لحظة:
👈 (المهنيين): مُعالجة الحكومة لأزمة الشرق اتسمت بالضعف
📌 طيب ما كان تمشوا تعالجوها انتو
ه
📰 آخر لحظة:
👈 أمريكا تدفع بعرض جديد للتطبيع بين السودان وإسرائيل
📌 نشيف ، الكلام أخذ وعطاء
ه
📰 النيل الدولية:
👈 ارتفاع وفيات الحمى بالولاية الشمالية إلى 63 حالة و1497 إصابة
📌 الحل انه برطم وهو راجع من اسرائيل يجيب لنا معاهو دواء
ه
📰 النيل الدولية:
👈 برئاسة التجاني سيسي .. قوى تحالف البرنامج الوطني تطرح برنامجاً لانجاح الفترة الانتقالية
📌 من خلى تسلقه قلت سعادته
ه
📰 النيل الدولية:
👈 لجنة من المالية لتفقد المحالج والورش المستردة لمشروع الجزيرة
📌 يلا الحرامية بتاعين سرقة قطع الاسبيرات من حوش المالية يستعدوا
ه
📰 تاسيتي الاخبارية:
👈 مستشار حمدوك يكشف تفاصيل تعيين وإقالة والي كسلا صالح عمار
📌 أوعك تقول لي رمى غطاء والا جر خمسين غلط ؟
ه
📰 تاسيتي الاخبارية:
👈 مانيس: الفقر يمثل أكبر التحديات أمام تحقيق التنمية المستدامة
📌 لذلك انتشرت تجارة الملابس المستعملة صاح؟
ه
📰 أخبار اليوم:
👈 د.جبريل إبراهيم: لا نتلقي تعليمات إلا من شعبنا وإن إردت زيارة قطر فلن أزورها سراً.
📌 مصدقنك ، من غير تحلف مصدقنك
ه
📰 أخبار اليوم:
👈 «اخبار اليوم» تجري حوارا مثيرا مع الدكتور الفكي القيادي بالعدل والمساواة حول صلتها بالاسلاميين والكتاب الاسود وهجومها علي ام درمان.
📌 هم كانوا ناكرين يعني ؟
ه
📰 أخبار اليوم:
👈 جهاز المخابرات العامة اعتقال سائق شاحنة ترحيل غاز بمحلية كرري.
📌 بتهمة التجسس ؟
ه
📰 أخبار اليوم:
👈 المدعي العام لمحكمة الجنايات الدولية تصل البلاد.
📌 على قول الخليجيين هلا بالطش والرش وماء الورد في الغِرَش
ه
📰 السوداني:
👈 وزير الإعلام يعتذر بشكل رسمي وشخصي لأهل شرق السودان
📌 مسكين فتر من الاعتذارات دي ، تاني حقو يقدم المؤاخذة قبل أي تصريح
ه
📰 السوداني:
👈 مركز الخرطوم الصحفي يُقدِّم خارطة طريق للإعلام السوداني
📌 عجييييييب
ه
📰 السوداني:
👈 محمد عصمت يكتب عن تصحيح مسار الحرية والتغيير
📌 أدوهو ناس كونترول الشهادة السودانية يصححوهو ليكم مع أوراق الطلبة
ه
📰 السوداني:
👈 الخرطوم تشهد انطلاقة حملة منظمات المجتمع المدني للنظافة وإصحاح البيئة
📌 چي حليلو هو
ه
📰 وكالة “سونا”:
👈 الفكي يتعهد بتحويل مستشفى نوري لمستشفى عام
📌 يازول ما تتدخل في تخصصات ابوالتواور ، التعهدات دي بتاعته هو
ه
📰 وكالة “سونا”:
👈 مانيس يمتدح دور جنوب السودان فى تحقيق السلام بالبلاد
📌 شغلك مريح تجي الصباح تمتدح زول وتحذر زول وتمشي أهلك تقول اشتغلت
ه
📰 وكالة “سونا”:
👈 وزارة العمل تشرع في وضع خطط للحد من الفقر
📌 ديل جنوا والا عاوزين يغشوا ليهم زول ؟
ه
📰 وكالة “سونا”:
👈 فيصل: نعمل على اصلاح قوانين الإعلام
📌 كدي في الأول صلحوا (كوانين) الاعلام
ه
📰 وكالة “سونا”:
👈 مركز الخرطوم للخدمات الصحفية يكرم الصحفية أمال عباس
📌 تستاهل والله
ه
📰 وكالة “سونا”:
👈 ترتيبات بمحلية قيسان لاستقبال اللاجئين العائدين من إثيوبيا
📌 أعملوا حسابكم ما يكون معاهم شفتة مندسين
ه
📰 وكالة “سونا”:
👈 هيئة محامي دارفور: زيارة فاتو بنسودا للسودان حدث تاريخي
📌 قصدكم شنو؟
ه
📰 وكالة “سونا”:
👈 إنطلاق التطعيم ضد شلل الأطفال بالجزيرة نهاية اكتوبر
📌 هسع مالو ؟ منتظرين نهاية الشهر ليه ؟ تطعيم هو والا ايجار بيت
ه
📰 وكالة “سونا”:
👈 شحنة عاجلة من المواد والمعدات الوقائية من مصر للولاية الشمالية.
📌 آل على رأي المثل: اطعم البتاع تستحي اللي موش عارف ايه
ه
ه
📌ابووضاح 📌
https://www.facebook.com/dababies


شاهد أيضاً

المريخ يتعاقد مع متوسط ميدان منتخب بوركينا فاسو

الخرطوم: الراكوبة تعاقد نادي المريخ رسمياً مساء الجمعة مع نجم منتخب بوركينا فاسو ويند بانجا …

ناطق باسم نتنياهو: دول عربية ستنضم للتطبيع واجتماعات مع السودان

كشف مسؤول إسرائيلي عن اقتراب دول عربية أخرى من التوقيع على اتفاقيات تطبيع جديدة، دون …

وصول منتخب السودان للشباب لمطار جومو كينياتا

وصلت بعثة المنتخب السوداني لكرة القدم تحت سن 20 سنة الى العاصمة الكينية نيروبي الجمعة …

اترك تعليق